ഇടുക്കി: എസ്. രാജേന്ദ്രൻ ബിജെപി അംഗത്വമെടുത്ത ശേഷമുള്ള ആദ്യ പൊതുപരിപാടി ഇന്ന് മൂന്നാറിൽ നടക്കും. ബിജെപിയിൽ ചേർന്ന രാജേന്ദ്രനും സഹപ്രവർത്തകർക്കും പാർട്ടി നൽകുന്ന ഔദ്യോഗിക സ്വീകരണ പരിപാടിയിൽ സംസ്ഥാന അധ്യക്ഷൻ രാജീവ് ചന്ദ്രശേഖർ മുഖ്യാതിഥിയാകും.(S Rajendran to get a rousing welcome from BJP in Munnar today)
മൂന്നാറിലെ തോട്ടം മേഖലയിൽ വലിയ സ്വാധീനമുള്ള നേതാവായ രാജേന്ദ്രന്റെ വരവ് ബിജെപിക്ക് ജില്ലയിൽ വലിയ ഊർജ്ജമാണ് നൽകുന്നത്. രാജേന്ദ്രനൊപ്പം ബിജെപിയിലേക്ക് ചുവടുമാറ്റിയ മറ്റ് പ്രവർത്തകരും ചടങ്ങിൽ അണിനിരക്കും.
കഴിഞ്ഞ ദിവസം മൂന്നാറിൽ ബിജെപി നിയന്ത്രണത്തിലുള്ള സഹകരണ സംഘത്തിന്റെ പുതിയ ശാഖ എസ്. രാജേന്ദ്രന്റെ നേതൃത്വത്തിൽ പ്രവർത്തനം ആരംഭിച്ചിരുന്നു. രണ്ടര പതിറ്റാണ്ടിലേറെ ദേവികുളം മേഖലയിൽ സിപിഎമ്മിന്റെ മുഖമായിരുന്ന രാജേന്ദ്രൻ ബിജെപിയിലേക്ക് മാറിയത് ഇടതുകോട്ടകളിൽ വലിയ വിള്ളലുണ്ടാക്കിയിട്ടുണ്ട്.
