കൊച്ചി: അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിധിൻ രാജിന്റെ ആത്മഹത്യയിൽ രൂക്ഷമായ പ്രതികരണവുമായി റാപ്പർ വേടൻ (Rapper Vedan Nithin Raj Death Reaction). പഠിക്കണമെന്ന അതിയായ ആഗ്രഹത്തോടെ എത്തിയ ഒരു യുവാവിനെ കൊന്നുകളഞ്ഞത് കേരളത്തിലെ വിദ്യാഭ്യാസ സ്ഥാപനങ്ങളിൽ ഇന്നും നിലനിൽക്കുന്ന ജാതീയതയാണെന്ന് വേടൻ അഭിപ്രായപ്പെട്ടു. തന്റെ സോഷ്യൽ മീഡിയ പേജിലൂടെയായിരുന്നു അദ്ദേഹത്തിന്റെ പ്രതികരണം. കേരളത്തിലെ പൊതു ഇടങ്ങളിലും കലാലയങ്ങളിലും നിലനിൽക്കുന്ന ജാതിവിവേചനമാണ് നിധിന്റെ ജീവൻ എടുത്തതെന്ന് വേടൻ കുറ്റപ്പെടുത്തി.
നിധിനും അവന്റെ മാതാപിതാക്കൾക്കും നീതി ലഭിച്ചില്ലെങ്കിൽ, അത് കേരളത്തിലെ പൊതുസമൂഹത്തിന് ലഭിക്കാത്ത നീതിയായി കണക്കാക്കണമെന്നും അദ്ദേഹം കൂട്ടിച്ചേർത്തു.
അതേസമയം , നിധിൻ രാജിന്റെ മരണവുമായി ബന്ധപ്പെട്ട് നിയമനടപടികൾ പുരോഗമിക്കുകയാണ്: സംഭവത്തിൽ യുവജന കമ്മീഷൻ സ്വമേധയാ കേസെടുക്കുകയും റിപ്പോർട്ട് ആവശ്യപ്പെടുകയും ചെയ്തിട്ടുണ്ട്. കേസ് അന്വേഷിക്കുന്നതിനായി പ്രത്യേക സംഘത്തെ നിയോഗിച്ചു. കണ്ണൂർ എസിപിയുടെ നേതൃത്വത്തിലുള്ള 13 അംഗ സംഘമാണ് ഇപ്പോൾ കേസ് അന്വേഷിക്കുന്നത്. (നേരത്തെ 7 അംഗ സംഘത്തെയാണ് തീരുമാനിച്ചിരുന്നതെങ്കിലും അന്വേഷണം വിപുലീകരിച്ചതായാണ് വിവരം).
അധ്യാപകർ ജാതീയമായി അധിക്ഷേപിച്ചതാണ് മരണത്തിന് കാരണമെന്ന് നിധിന്റെ കുടുംബം ആരോപിക്കുമ്പോൾ, പോലീസ് എല്ലാ വശങ്ങളും പരിശോധിച്ചു വരികയാണ്.
Story Summary:
Malayalam rapper Vedan has expressed strong protest over the death of Nithin Raj, a BDS student from Anjarakandy Dental College. He described Nithin as the latest victim of the casteist society in Kerala and emphasized that the systemic casteism within educational institutions is responsible for this tragedy. Meanwhile, the State Youth Commission has taken a suo motu case, and a 13-member Special Investigation Team (SIT) led by the Kannur ACP has been tasked with a detailed probe into the incident.
