തിരുവനന്തപുരം: ജില്ലയിൽ തുടരുന്ന അതിശക്തമായ മഴയെത്തുടർന്ന് പ്രശസ്ത വിനോദസഞ്ചാര കേന്ദ്രമായ പൊന്മുടി താൽക്കാലികമായി അടച്ചു. സഞ്ചാരികളുടെ സുരക്ഷ കണക്കിലെടുത്ത് ഇനിയൊരു അറിയിപ്പ് ഉണ്ടാകുന്നത് വരെ ഇവിടേക്കുള്ള പ്രവേശനം കർശനമായി നിരോധിച്ചതായി അധികൃതർ അറിയിച്ചു.(Ponmudi Ecotourism Center Closed Due to Heavy Rain)
പൊന്മുടിയിലേക്കുള്ള പാതയിലും പരിസരപ്രദേശങ്ങളിലും കനത്ത മഴയിൽ മണ്ണിടിച്ചിലിനുള്ള സാധ്യത നിലനിൽക്കുന്നതിനാലാണ് ഇത്തരമൊരു തീരുമാനം കൈക്കൊണ്ടത്. ജീവന് ഭീഷണിയാകുന്ന സാഹചര്യം ഒഴിവാക്കാനാണ് അധികൃതർ മുൻകരുതൽ നടപടികൾ സ്വീകരിച്ചിരിക്കുന്നത്.
തിരുവനന്തപുരം ജില്ലയിൽ ഇന്നും നാളെയും ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. ഈ സാഹചര്യത്തിൽ മലയോര മേഖലകളിലേക്കുള്ള യാത്രകൾ ഒഴിവാക്കാനും പൊതുജനങ്ങൾ ജാഗ്രത പാലിക്കണമെന്നും അധികൃതർ കർശന നിർദേശം നൽകി.
Story Summary
Due to persistent heavy rainfall and the potential risk of landslides, the Ponmudi eco-tourism center in Thiruvananthapuram has been closed to visitors until further notice. Authorities have issued a Yellow Alert for the district, advising the public to avoid travel to hilly areas as a safety precaution.
