പെൺകുട്ടികളോട് അശ്ലീല സംഭാഷണം; എ.എസ്.ഐക്കെതിരെ അന്വേഷണം
തിങ്കളാഴ്ച രാത്രി ഒമ്പതിനായിരുന്നു സംഭവം നടന്നത്. സയൻസ് ഫെസ്റ്റിവലിൽ വളൻറിയർമാരായി കോളജ് വിദ്യാർഥികളാണുള്ളത്. എന്തെങ്കിലും പ്രശ്നങ്ങളുണ്ടെങ്കിൽ വിളിക്കണമെന്ന് പറഞ്ഞ് നസീം പെൺകുട്ടികൾക്ക് മൊബൈൽ നമ്പർ നൽകുകയും അവരുടെ ഫോൺ നമ്പർ വാങ്ങുകയും ചെയ്തിരുന്നു. തിങ്കളാഴ്ച രാത്രിയിൽ ഇയാൾ വളൻറിയറായ ഒരു പെൺകുട്ടിയെ നിരന്തരമായി ഫോണിൽ വിളിച്ച് അശ്ലീലം പറഞ്ഞത്.
വീഡിയോകാൾ വിളിച്ച് ശല്യപ്പെടുത്താൻ ശ്രമിക്കുകയും ചെയ്തു. ചൊവ്വാഴ്ച സംഭവത്തെക്കുറിച്ച് ചോദിക്കാൻ മറ്റുള്ള വളന്‍റിയർമാരോടൊപ്പം എത്തിയ വിദ്യാർഥിനിയെ ഇയാൾ ഭീഷണിപ്പെടുത്തുകയും തുടർന്ന് പ്രശ്നമാകുമെന്ന് കണ്ടതോടെ ഓടി രക്ഷപ്പെടുകയുമായിരുന്നു.