തിരുവനന്തപുരം: കഴിഞ്ഞ ദിവസം കാണാതായ വയോധികയെ അരുവിക്കര ആറിലെ പാലത്തിന് സമീപമുള്ള പാറക്കെട്ടുകൾക്കിടയിൽ മരിച്ച നിലയിൽ കണ്ടെത്തി (Aruvikkara River Death). ഊരൂട്ടമ്പലം കിളിക്കൂട്ടുകോണം സ്വദേശിയായ സുഭദ്ര (95) ആണ് മരിച്ചത്. കഴിഞ്ഞ ദിവസമാണ് സുഭദ്രയെ വീട്ടിൽ നിന്നും കാണാതായത്. ഇതിനെത്തുടർന്ന് ബന്ധുക്കൾ പോലീസിൽ പരാതി നൽകിയിരുന്നു. പോലീസ് അന്വേഷണം നടത്തിവരികയായിരുന്നു.
ചൊവ്വാഴ്ച രാവിലെ ആറിന്റെ കടവിൽ നിന്നും ഇവരുടെ വസ്ത്രവും ബാഗും കണ്ടെത്തിയിരുന്നു. ഇതിന്റെ അടിസ്ഥാനത്തിൽ ആറ്റിൽ നടത്തിയ വിശദമായ പരിശോധനയിലാണ് മൃതദേഹം പാറക്കെട്ടുകൾക്കിടയിൽ കുടുങ്ങിയ നിലയിൽ കണ്ടെത്തിയത്.
പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മൃതദേഹം പോസ്റ്റ്മോർട്ടത്തിനായി മെഡിക്കൽ കോളേജ് ആശുപത്രിയിലേക്ക് മാറ്റി. മരണത്തിൽ മറ്റ് ദുരൂഹതകളുണ്ടോ എന്ന് പോലീസ് പരിശോധിച്ചു വരികയാണ്.
സംഭവത്തിൽ അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Story Summary: The body of 95-year-old Subhadra, who went missing from Ooruttambalam, was found in the Aruvikkara River near the bridge. Her clothes and bag were discovered by the riverbank on Tuesday morning, leading to a search operation that located her body trapped among rocks. Police have moved the body for post-mortem and are investigating the circumstances surrounding her death.
