കൊച്ചി: സംസ്ഥാനത്ത് സ്വർണ്ണവില വീണ്ടും വർധിച്ചു. ഇന്ന് ഒരു പവന് 480 രൂപയുടെ വർധനവാണ് രേഖപ്പെടുത്തിയത്. ഇതോടെ വില 95,680 രൂപയായി. ഒരു ഗ്രാം സ്വർണത്തിന് 60 രൂപ വർധിച്ച് വില 11,960 രൂപയായി.(Kerala Gold price hiked, know about today's rate)
ഒക്ടോബർ 17-ന് രേഖപ്പെടുത്തിയ 97,360 രൂപയാണ് സംസ്ഥാനത്തെ സ്വർണവിലയുടെ സർവകാല റെക്കോർഡ്. നിലവിലെ വർധനവോടെ സ്വർണ്ണവില ഈ റെക്കോർഡ് നിലവാരത്തിലേക്ക് അടുക്കുകയാണ്.
വില വർദ്ധനവിന് പ്രധാന കാരണം ആഗോള വിപണിയിലെ ചലനങ്ങളാണ്. സുരക്ഷിത നിക്ഷേപം എന്ന നിലയിൽ കൂടുതൽ ആളുകൾ സ്വർണത്തിലേക്ക് നിക്ഷേപം നടത്തുന്നതാണ് വില കുതിച്ചുയരാൻ കാരണമായി വിലയിരുത്തുന്നത്.