മലപ്പുറം: എ. വിജയരാഘവൻ എസ്.ഡി.പി.ഐ നേതാവുമായി കൂടിക്കാഴ്ച നടത്തിയെന്ന തരത്തിൽ സമൂഹ മാധ്യമങ്ങളിൽ നടക്കുന്ന പ്രചാരണം അടിസ്ഥാനരഹിതമാണെന്ന് സി.പി.ഐ.എം. മലപ്പുറം ജില്ലാ സെക്രട്ടേറിയറ്റ്. പാർട്ടി നേതാക്കളെ ഒളിഞ്ഞുനോക്കി തെരഞ്ഞുപിടിച്ച് വ്യക്തിഹത്യ നടത്താനുള്ള ബോധപൂർവമായ ചില കേന്ദ്രങ്ങളുടെ നീക്കമാണിതെന്നും പാർട്ടി പ്രസ്താവനയിലൂടെ കുറ്റപ്പെടുത്തി.(CPIM Denies A Vijayaraghavan SDPI Leader Meeting Allegation )
വസ്തുതകൾ അന്വേഷിക്കാതെ ചില മാധ്യമങ്ങൾ ഇത് വാർത്തയാക്കിയതിനെതിരെയും പാർട്ടി രംഗത്തെത്തിയിട്ടുണ്ട്. യഥാർത്ഥത്തിൽ ഒരു കുടുംബ ചടങ്ങിൽ വെച്ചുണ്ടായ ദൃശ്യങ്ങളെ തെറ്റായ രീതിയിൽ വ്യാഖ്യാനിച്ചാണ് നവമാധ്യമങ്ങളിൽ രാഷ്ട്രീയ വിവാദമാക്കാൻ ശ്രമിച്ചതെന്ന് സിപിഎം വിശദീകരിക്കുന്നു.
ഈ ചടങ്ങിന്റെ ഭാഗമായി അവിടെ ഒരു ഗാനമേളയും സംഘടിപ്പിച്ചിരുന്നു. ഈ ഗാനമേളയിൽ എസ്.ഡി.പി.ഐയുടെ ഒരു പ്രാദേശിക നേതാവ് പാട്ടുപാടുന്ന സമയത്ത്, അതിനടുത്തുള്ള ഹാളിൽ ഇരുന്ന് എ. വിജയരാഘവൻ ഭക്ഷണം കഴിക്കുന്ന ദൃശ്യങ്ങളാണ് വിവാദമാക്കാൻ ശ്രമിച്ചവർ പ്രചരിപ്പിച്ചത്. ഒരേ വേദിയിലോ ഹാളിലോ ഇരുവരും ഔദ്യോഗിക ചർച്ചകൾ നടത്തിയിട്ടില്ലെന്നും ഒരു പൊതുചടങ്ങിലെ സ്വാഭാവിക ദൃശ്യങ്ങൾ മാത്രമാണിതെന്നും പാർട്ടി വ്യക്തമാക്കി.
Story Summary
The CPIM Malappuram District Secretariat has strongly condemned social media campaigns alleging that Politburo member A. Vijayaraghavan met with an SDPI leader. Clarifying the incident, CPIM stated that Vijayaraghavan was attending a housewarming ceremony of party district committee member Gafoor P. Lillis’s brother. The video being circulated shows an SDPI local leader singing at the event while Vijayaraghavan was having food in an adjacent hall. The party termed the allegations as a deliberate attempt at character assassination and urged media houses to withdraw the fake news.
