തിരുവനന്തപുരം: ആലപ്പുഴയിലെ ‘രക്ഷാപ്രവർത്തന’വുമായി ബന്ധപ്പെട്ട കേസിൽ മുൻ മുഖ്യമന്ത്രിയുടെ ഗൺമാൻമാർക്ക് മുൻകൂർ ജാമ്യം ലഭിച്ച സംഭവത്തിൽ, കോടതി വിധി വിശദമായി പഠിച്ച ശേഷം തുടർനടപടികൾ സ്വീകരിക്കുമെന്ന് മുഖ്യമന്ത്രി വി.ഡി. സതീശൻ വാർത്താസമ്മേളനത്തിൽ വ്യക്തമാക്കി. നടൻ സലിംകുമാറിന്റെ മരണശേഷം സമൂഹമാധ്യമങ്ങളിൽ അദ്ദേഹത്തിനെതിരെ നടന്ന പ്രചാരണങ്ങളെ മുഖ്യമന്ത്രി രൂക്ഷമായി വിമർശിച്ചു.(CM VD Satheesan On Legal Actions And Political Allegations)
ഇത്തരം വിദ്വേഷ പ്രചാരണങ്ങൾ നടത്തുന്നവരെ തിരിച്ചറിയണമെന്നും അദ്ദേഹം കൂട്ടിച്ചേർത്തു. മംഗലാപുരത്ത് പോയി കണ്ടത് അദാനിയുടെ ഏജന്റിനെയല്ല, മറിച്ച് ആര്യാടൻ മുഹമ്മദിന്റെ ബന്ധുവിനെയാണെന്ന് മുഖ്യമന്ത്രി വിശദീകരിച്ചു. മെഡിസെപ് പദ്ധതിയിൽ ഇൻഷുറൻസ് കമ്പനികളുമായുള്ള കരാറുകൾ ഉൾപ്പെടെയുള്ള കാര്യങ്ങൾ സർക്കാർ പുനഃപരിശോധിക്കും.
ധവളപത്രം തയ്യാറാക്കാൻ എഐ ഉപയോഗിച്ചുവെന്ന തോമസ് ഐസക്കിന്റെ ആരോപണം തമാശയായി മാത്രമാണ് കാണുന്നത്. ധവളപത്രത്തിന് ഉപയോഗിച്ചില്ലെങ്കിലും, വരുംകാലങ്ങളിൽ ഭരണനിർവഹണത്തിന് എഐ ഉൾപ്പെടെയുള്ള ആധുനിക സാങ്കേതികവിദ്യകൾ സർക്കാർ പ്രയോജനപ്പെടുത്തുമെന്ന് അദ്ദേഹം വ്യക്തമാക്കി. 30 മണ്ഡലങ്ങളിൽ യുഡിഎഫ്-ബിജെപി ഡീൽ ഉണ്ടെന്ന സിപിഎം ആരോപണത്തിന് മറുപടിയായി, സിപിഎമ്മിനെ തോൽപിക്കുന്നതിനേക്കാൾ പ്രയാസം കാര്യങ്ങൾ അവരെ ബോധ്യപ്പെടുത്താനാണെന്ന് മുഖ്യമന്ത്രി പറഞ്ഞു. സിപിഎം ജില്ലാ നേതൃയോഗങ്ങളിൽ അന്നത്തെ മുഖ്യമന്ത്രിയെയും പാർട്ടി സെക്രട്ടറിയെയും രൂക്ഷമായി വിമർശിച്ചിരുന്നു. ആ വിമർശനങ്ങളിൽ നിന്ന് ശ്രദ്ധ തിരിക്കാനാണ് ഇപ്പോൾ യുഡിഎഫിനെതിരെ ഇത്തരം ആരോപണങ്ങൾ ഉന്നയിക്കുന്നതെന്നും അദ്ദേഹം ആരോപിച്ചു.
Story Summary
Chief Minister V.D. Satheesan announced that the government will review the court’s decision granting bail to the former Chief Minister’s gunmen. He also addressed various political allegations, including the cyberbullying of late actor Salim Kumar, the Medisep insurance contract, and dismissed CPI(M) claims of a UDF-BJP deal.
