തിരുവനന്തപുരം: നിയമസഭാ തിരഞ്ഞെടുപ്പ് പടിവാതിൽക്കൽ നിൽക്കെ, സുപ്രധാന തീരുമാനങ്ങൾ കൈക്കൊള്ളാനായി സംസ്ഥാന മന്ത്രിസഭാ യോഗം ഇന്ന് ചേരും. മുഖ്യമന്ത്രിയും മന്ത്രിമാരും തലസ്ഥാനത്തിന് പുറത്തായതിനാൽ ഓൺലൈൻ വഴിയാണ് യോഗം നടക്കുക.(Cabinet meeting today with crucial decisions)
പുതിയ ശമ്പളപരിഷ്കരണ കമ്മീഷനെ നിയോഗിക്കുന്നത് സംബന്ധിച്ച ഔദ്യോഗിക പ്രഖ്യാപനം ഇന്നത്തെ യോഗത്തിലുണ്ടാകുമെന്നാണ് സൂചന. നിയമസഭാ തിരഞ്ഞെടുപ്പ് പ്രഖ്യാപനത്തിന് മുൻപായി ജനപ്രിയ പദ്ധതികൾക്കും വികസന പ്രവർത്തനങ്ങൾക്കും വേഗത്തിൽ അനുമതി നൽകാനാണ് സർക്കാർ ലക്ഷ്യമിടുന്നത്.
