കൊച്ചി: അന്തരിച്ച പ്രിയ നടൻ സലിം കുമാറുമായുള്ള ഓർമ്മകൾ പങ്കുവെച്ച് നടി സീമ ജി. നായർ (Seema G Nair Facebook post Salim Kumar death). സലീമേട്ടന്റെ കൂടെ ‘കറുത്ത പക്ഷികൾ’, ‘കട്ടപ്പനയിലെ ഹൃതിക് റോഷൻ’ തുടങ്ങി നിരവധി സിനിമകളിൽ ഒരുമിച്ച് അഭിനയിക്കാൻ തനിക്ക് ഭാഗ്യം ലഭിച്ചെന്ന് സീമ ജി. നായർ ഫേസ്ബുക്കിൽ കുറിച്ചു. മരണം വരെ ചങ്കൂറ്റത്തോടെ താനൊരു കോൺഗ്രസുകാരനാണെന്ന് പറഞ്ഞ ആ ഉറച്ച ശബ്ദവും നിലപാടുകളും അദ്ദേഹത്തിന്റെ ധാർമ്മിക മൂല്യങ്ങളാണ് കാട്ടിത്തരുന്നതെന്നും സീമ അനുസ്മരിച്ചു.
സലിം കുമാറിനൊപ്പം അഭിനയിക്കുമ്പോൾ എപ്പോഴും ഉള്ളിൽ പേടിയായിരുന്നുവെന്ന് സീമ ജി. നായർ പറയുന്നു. “ആക്ഷൻ പറയുമ്പോൾ അവിടുന്ന് എന്തൊക്കെയാണ് വരുന്നതെന്ന് അറിയില്ലല്ലോ. ഒപ്പത്തിനൊപ്പം നിന്നില്ലെങ്കിലും ഒന്ന് പിടിച്ചു നിൽക്കണ്ടേ. പല ഡയലോഗുകളും അദ്ദേഹം കയ്യിൽ നിന്നാണ് ഇടുക. അതുകൊണ്ട് നമ്മളും ഒപ്പത്തിനൊപ്പം ഓടണം. ഇപ്പോൾ ഒരുപാട് പേർ ‘കട്ടപ്പനയിലെ ഹൃതിക് റോഷനിൽ’ ഞങ്ങൾ ഒന്നിച്ച് ചെയ്ത സീനുകൾ എനിക്ക് അയച്ചുതരുന്നുണ്ട്. ‘കേശു ഈ വീടിന്റെ നാഥനിൽ’ എന്റെ ഭർത്താവായി അഭിനയിക്കേണ്ടിയിരുന്നത് സലീമേട്ടൻ ആയിരുന്നു. രണ്ടു മൂന്നു ദിവസത്തെ ഷൂട്ടിംഗും കഴിഞ്ഞിരുന്നു. എന്നാൽ അതിനിടയിൽ അദ്ദേഹത്തിന് വയ്യാതാവുകയും തുടർന്ന് ജാഫർ ഇടുക്കി ആ വേഷത്തിലേക്ക് വരികയുമാണുണ്ടായത്,” സീമ ഓർമ്മിച്ചു.
വർഷങ്ങൾക്ക് മുൻപ് ഒരുമിച്ച് പങ്കെടുത്ത ഗൾഫ് ഷോകളെക്കുറിച്ചും, എന്തെങ്കിലും പറയുമ്പോൾ സലീമേട്ടന്റെ കാതുകളിൽ മുഴങ്ങുന്ന ആ ഉറക്കെയുള്ള ചിരിയെക്കുറിച്ചും താരം വൈകാരികമായി കുറിച്ചു. ശാരീരിക അസ്വസ്ഥതകൾ അലട്ടുമ്പോഴും നിരവധി പേർക്ക് വേണ്ടി തെരഞ്ഞെടുപ്പ് പ്രചാരണങ്ങൾക്ക് അദ്ദേഹം പോയിരുന്നു. കലാകാരന്മാർക്ക് മരണമില്ലെന്ന് പറയുന്നത് എത്ര ശരിയാണ്. എത്ര തലമുറകൾ വന്നാലും അവർക്ക് കാണാൻ സലീമേട്ടനും അദ്ദേഹം ചെയ്ത അനശ്വരമായ കഥാപാത്രങ്ങളും ഇവിടെത്തന്നെയുണ്ടാകുമെന്നും സീമ ജി. നായർ കുറിച്ചു.
Story Summary: Actress Seema G. Nair penned an emotional Facebook post remembering the late actor Salim Kumar. Reflecting on her time co-starring with him in movies like ‘Karutha Pakshikal’ and ‘Kattappanayile Rithwik Roshan’, Seema shared how challenging yet rewarding it was to match his improvisational acting skills. She also admired his unwavering commitment to his political ideology as a Congressman until his final days.
