പോലീസ് ഉദ്യോഗസ്ഥൻ വീടിനുള്ളിൽ മരിച്ച നിലയിൽ
Feb 10, 2024, 20:15 IST
![പോലീസ് ഉദ്യോഗസ്ഥൻ വീടിനുള്ളിൽ മരിച്ച നിലയിൽ](https://timeskerala.com/static/c1e/client/91214/uploaded/1b299cdbd0027cfb1694b01ac3931036.webp)
തിരുവനന്തപുരം: പോത്തൻകോട് പോലീസ് ഉദ്യോഗസ്ഥനെ മരിച്ച നിലയിൽ കണ്ടെത്തി. നേതാജിപുരം എഎസ് ഭവനിൽ അജയകുമാറിനെയാണ് (35) വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. വെള്ളിയാഴ്ച വൈകിട്ട് അഞ്ചോടെയാണ് സംഭവം നടന്നത്. അജയകുമാറിന്റെ ഭാര്യ കുഞ്ഞിനേയും കൊണ്ട് ആശുപത്രിയിൽ പോയിട്ട് തിരികെ വീട്ടിൽ വന്നപ്പോൾ വീടിനകത്ത് തൂങ്ങി നിൽക്കുന്നത് കണ്ട് നാട്ടുകാരെ വിവരമറിയിക്കുകയായിരുന്നു. നാട്ടുകാർ ഉടൻ തന്നെ മെഡിക്കൽ കോളജിൽ കൊണ്ടുപോയെങ്കിലും മരണം സംഭവിച്ചിരുന്നു. സാമ്പത്തിക ബാധ്യത മൂലമാണ് ആത്മഹത്യ ചെയ്തതെന്നാണ് പ്രാഥമിക നിഗമനം. തൃശൂർ ഐആർ ബി ബറ്റാലിയനിലെ ഹവിൽദാറാണ് അജയകുമാർ. സംഭവത്തിൽ പോത്തൻകോട് പോലീസ് അസ്വാഭാവിക മരണത്തിന് കേസെടുത്തു.