മലപ്പുറം സ്വദേശി ഖത്തറിൽ നിര്യാതനായി
Thu, 25 May 2023
ദോഹ: മലപ്പുറം സ്വദേശി ഖത്തറിൽ നിര്യാതനായി. മലപ്പുറം പൊന്മള ആക്കപ്പറമ്പ് സ്വദേശി അബ്ദുറഷീദ് (ഇച്ചാപ്പു-42) ഹൃദയാഘാതത്തെ തുടർന്ന് ഖത്തറിലാണ് മരിച്ചത്. ഖത്തർ കെ.എം.സി.സി കോട്ടക്കൽ മണ്ഡലം വൈസ് പ്രസിഡന്റായിരുന്നു. ദോഹയിൽ ലിമോസിൻ കമ്പനിയിൽ ജോലി നോക്കുകയായിരുന്നു. നടപടിക്രമങ്ങൾ പൂർത്തിയാക്കിയ ശേഷം മൃതദേഹം വെള്ളിയാഴ്ച രാവിലെ കൊച്ചി വിമാനത്താവളം വഴി നാട്ടിലെത്തിക്കുമെന്ന് ഖത്തർ കെ.എം.സി.സി അൽ ഇഹ്‌സാൻ മയ്യിത്ത് പരിപാലന കമ്മിറ്റി അറിയിച്ചു. ഭാര്യ: സുനീറ. നിഷ്‌വ ജിബിൻ, നിഹാല, സിയാദ് എന്നിവർ മക്കളാണ്. കെ.പി കുട്ടിഹസ്സൻ-കുഞ്ഞാമി ദമ്പതികളുടെ മകനാണ്.