കോട്ടയം: കോരുത്തോട് സത്യൻ മുത്തേരിയുടെ വീട്ടിൽ ഇന്നലെ വൈകിട്ട് അത്യന്തം ഭീതിജനകമായ ഒരു സംഭവമുണ്ടായി. അലമാരയിൽ നിന്ന് തുണിയെടുക്കാൻ തുറന്ന വീട്ടുകാർ കണ്ടത് അകത്ത് ചുരുണ്ടുകൂടിയിരിക്കുന്ന കൂറ്റൻ രാജവെമ്പാലയെയാണ്.(A king cobra found inside the closet in Kottayam)
വീട്ടുകാർ ഉടൻ തന്നെ പുറത്തേക്കിറങ്ങി മുണ്ടക്കയം വനംവകുപ്പ് ഓഫീസിൽ വിവരം അറിയിച്ചു. മുണ്ടക്കയത്ത് നിന്നുള്ള വനംവകുപ്പിന്റെ ദ്രുതകർമ്മ സേന സ്ഥലത്തെത്തി.
വീടിനകത്ത് വെച്ച് പാമ്പിനെ പിടികൂടുന്നത് അപകടമാണെന്ന് കണ്ടതോടെ, ഏറെ പരിശ്രമപ്പെട്ട് അലമാര വീടിന് പുറത്തെത്തിച്ചു. തുടർന്നാണ് വനംവകുപ്പ് ഉദ്യോഗസ്ഥർ രാജവെമ്പാലയെ സുരക്ഷിതമായി പിടികൂടിയത്.
