പത്തനംതിട്ട: കേരളത്തിൽ യുഡിഎഫിന് അനുകൂലമായ വലിയൊരു കൊടുങ്കാറ്റ് വീശിയടിക്കുന്നുണ്ടെന്ന് ആന്റോ ആന്റണി എംപി. മാധ്യമങ്ങളോട് സംസാരിക്കുകയായിരുന്നു അദ്ദേഹം. ആറന്മുള മണ്ഡലത്തിലെ വോട്ടിംഗ് മെഷീനുകളിലെ സാങ്കേതിക പ്രശ്നങ്ങളും അദ്ദേഹം ചൂണ്ടിക്കാട്ടി.(Veena George will go to third place in Aranmula, says Anto Antony)
സംസ്ഥാനത്തുടനീളം യുഡിഎഫിന് അനുകൂലമായ വലിയ മുന്നേറ്റമാണ് ദൃശ്യമാകുന്നത്. ആറന്മുള മണ്ഡലത്തിലെ വോട്ടിംഗ് മെഷീനുകളിൽ സ്ഥാനാർത്ഥികളുടെ ഫോട്ടോ വ്യക്തമല്ലാത്തതുമായി ബന്ധപ്പെട്ട് ഗുരുതരമായ പരാതിയുണ്ടെന്ന് ആന്റോ ആന്റണി പറഞ്ഞു.
എല്ലാ ബൂത്തുകളിലും ഈ പ്രശ്നമുണ്ട്. ആദ്യമായാണ് ഇത്തരമൊരു പിഴവ് സംഭവിക്കുന്നത്. ഇക്കാര്യത്തിൽ ജില്ലാ കളക്ടർക്കും തിരഞ്ഞെടുപ്പ് കമ്മീഷനും പരാതി നൽകിയിട്ടുണ്ടെന്നും അദ്ദേഹം വ്യക്തമാക്കി. ആറന്മുള മണ്ഡലത്തിൽ മന്ത്രി വീണ ജോർജ് മൂന്നാം സ്ഥാനത്തേക്ക് പിന്തള്ളപ്പെടുമെന്ന് അദ്ദേഹം അവകാശപ്പെട്ടു. അവർ പ്രവചിച്ച ഭൂരിപക്ഷം യുഡിഎഫ് സ്ഥാനാർത്ഥി അബിൻ വർക്കിക്ക് ലഭിക്കുമെന്നും അദ്ദേഹം ആത്മവിശ്വാസം പ്രകടിപ്പിച്ചു.
