ഇടുക്കി: നിയമസഭാ തിരഞ്ഞെടുപ്പിനുള്ള സീറ്റ് വിഭജനം അന്തിമഘട്ടത്തിലെത്തി നിൽക്കെ, ഇടുക്കി സീറ്റിനെച്ചൊല്ലി കേരള കോൺഗ്രസിൽ ഭിന്നത രൂക്ഷമാകുന്നു. പാർട്ടി മത്സരിച്ചുവരുന്ന ഇടുക്കി സീറ്റ് കോൺഗ്രസിന് വിട്ടുകൊടുക്കാനുള്ള നീക്കത്തിനെതിരെ ഒരു വിഭാഗം നേതാക്കൾ രംഗത്തെത്തി.(Clash in Kerala Congress regarding contesting in Idukki)
ഉന്നതാധികാര സമിതി അംഗം തോമസ് പെരുമനയുടെ നേതൃത്വത്തിൽ ചേർന്ന നേതാക്കളുടെ യോഗം സീറ്റ് വിട്ടുകൊടുക്കുന്നതിനെതിരെ ശക്തമായ നിലപാടെടുത്തു. സീറ്റ് വിട്ടുകൊടുത്താൽ പാർട്ടിയിൽ വലിയ പൊട്ടിത്തെറിയുണ്ടാകുമെന്നും നേതാക്കൾ മുന്നറിയിപ്പ് നൽകുന്നു.
പത്തംഗ സംഘം പാർട്ടി ചെയർമാൻ പി.ജെ. ജോസഫിനെ കണ്ട് തങ്ങളുടെ ആശങ്ക അറിയിക്കും. ഇടുക്കിയിൽ ജയസാധ്യത കുറവാണെങ്കിൽ പാർട്ടി ചെയർമാൻ തന്നെ അവിടെ മത്സരിക്കണമെന്ന ആവശ്യവും ഇവർ മുന്നോട്ടുവെക്കുന്നുണ്ട്.
