ടെഹ്റാൻ: ഹോർമുസ് കടലിടുക്കിൽ വാണിജ്യ കപ്പലുകൾക്ക് നേരെ ഇറാൻ നടത്തിയ ഡ്രോൺ ആക്രമണങ്ങൾക്ക് മറുപടിയായി അമേരിക്ക നടത്തിയ വ്യോമാക്രമണങ്ങൾ പശ്ചിമേഷ്യയിൽ യുദ്ധസാഹചര്യം വീണ്ടും സങ്കീർണ്ണമാക്കി. ആക്രമണം തുടർന്നാൽ ഇസ്ലാമിക് റിപ്പബ്ലിക്ക് ഓഫ് ഇറാൻ എന്ന രാജ്യം തന്നെ “ഇനി നിലനിൽക്കില്ല” എന്ന് യുഎസ് പ്രസിഡന്റ് ഡൊണാൾഡ് ട്രംപ് ട്രൂത്ത് സോഷ്യലിലൂടെ ഭീഷണി മുഴക്കി.(US Iran conflict escalates as US and Iran trade strikes after ceasefire violation)
കഴിഞ്ഞ കുറച്ചു ദിവസങ്ങളായി ഇരുരാജ്യങ്ങളും തമ്മിലുള്ള വെടിനിർത്തൽ കരാർ തുടർച്ചയായി ലംഘിക്കപ്പെടുന്ന സാഹചര്യമാണുള്ളത്. പനാമയിൽ രജിസ്റ്റർ ചെയ്ത ‘കികു’ എന്ന എണ്ണക്കപ്പലിന് നേരെ ഇറാൻ നടത്തിയ ഡ്രോൺ ആക്രമണത്തിന് മറുപടിയായി, ഹോർമുസ് കടലിടുക്കിന് സമീപമുള്ള ഇറാന്റെ 10 തന്ത്രപ്രധാന സൈനിക കേന്ദ്രങ്ങൾ ലക്ഷ്യമിട്ട് യുഎസ് സെൻട്രൽ കമാൻഡ് ആക്രമണം നടത്തി. മിസൈൽ-ഡ്രോൺ സംഭരണ കേന്ദ്രങ്ങൾ, തീരദേശ റഡാർ സംവിധാനങ്ങൾ, വ്യോമപ്രതിരോധ കേന്ദ്രങ്ങൾ എന്നിവയാണ് അമേരിക്ക തകർത്തത്.
യുഎസ് ആക്രമണത്തിന് തിരിച്ചടിയായി, കുവൈറ്റിലും ബഹ്റൈനിലുമുള്ള അമേരിക്കൻ സൈനിക താവളങ്ങൾക്ക് നേരെ ഇറാൻ റെവല്യൂഷണറി ഗാർഡ്സ് മിസൈലുകളും ഡ്രോണുകളും വിക്ഷേപിച്ചു. വെടിനിർത്തൽ കരാർ ലംഘിച്ചാണ് അമേരിക്ക പ്രവർത്തിക്കുന്നതെന്ന് ഇറാൻ ആരോപിച്ചു. കരാർ ലംഘനം തുടരുകയാണെങ്കിൽ നയതന്ത്ര ചർച്ചകൾ പൂർണ്ണമായി നിർത്തിവെക്കുമെന്നും ഇറാൻ മുന്നറിയിപ്പ് നൽകി.
Story Summary
Tensions in West Asia have escalated sharply as the US launched retaliatory airstrikes on Iranian military targets in response to a drone attack on a commercial tanker. President Donald Trump has issued a stern warning that Iran would “no longer exist” if forced to escalate the conflict, while the IRGC responded by targeting US assets in Kuwait and Bahrain, effectively shattering the fragile Islamabad Memorandum of Understanding ceasefire.
