ടെൽ അവീവ്: ഇറാന്റെ മുൻ തീവ്ര വലതുപക്ഷ പ്രസിഡന്റ് മഹ്മൂദ് അഹമ്മദി നെജാദിനെ രഹസ്യമായി സ്വാധീനിച്ച് രാജ്യത്തിന്റെ ഭരണത്തലപ്പത്ത് വീണ്ടും പ്രതിഷ്ഠിക്കാൻ ഇസ്രായേൽ വർഷങ്ങളോളം നീണ്ട ശ്രമം നടത്തിയിരുന്നതായി വെളിപ്പെടുത്തൽ. യുഎസ് ഉദ്യോഗസ്ഥരെയും രഹസ്യ വിവരങ്ങളുള്ള മറ്റ് ഉറവിടങ്ങളെയും ഉദ്ധരിച്ച് പ്രമുഖ അമേരിക്കൻ മാധ്യമമാണ് ഈ ഞെട്ടിപ്പിക്കുന്ന വിവരങ്ങൾ പുറത്തുവിട്ടത്. എന്നാൽ ഇസ്രായേലിന്റെ ഈ അട്ടിമറി നീക്കം പരാജയപ്പെടുകയാണുണ്ടായത്.(Israel secret plot to reinstate former Iranian president Mahmoud Ahmadinejad fails)
കഴിഞ്ഞ ഫെബ്രുവരിയിൽ ഇറാനെതിരെ അമേരിക്കയും ഇസ്രായേലും ചേർന്ന് നടത്തിയ സംയുക്ത ആക്രമണത്തിന്റെ ആദ്യ ദിനം തന്നെ, ഗാർഹിക തടങ്കലിലായിരുന്ന അഹമ്മദി നെജാദിനെ മോചിപ്പിക്കാനായി ഇസ്രായേൽ അദ്ദേഹത്തിന്റെ അംഗരക്ഷകർക്ക് നേരെ വ്യോമാക്രമണം നടത്തിയിരുന്നു. 2022-ൽ ആരംഭിച്ച ഈ പദ്ധതിക്ക് പിന്നിൽ ഇസ്രായേൽ രഹസ്യാന്വേഷണ ഏജൻസിയായ മൊസാദിന്റെ അന്നത്തെ തലവൻ ഡേവിഡ് ബാർണിയ ആയിരുന്നുവെന്നാണ് വിവരം. ഹംഗറിയിൽ നടന്ന ഒരു അക്കാദമിക് കോൺഫറൻസിനിടെ ബാർണിയ അഹമ്മദി നെജാദുമായി നേരിട്ട് കൂടിക്കാഴ്ച നടത്തിയതായും റിപ്പോർട്ടിൽ പറയുന്നു.
ഫെബ്രുവരി 28-ലെ ഇസ്രായേൽ ആക്രമണത്തിൽ ഇറാന്റെ പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ടതിന് പിന്നാലെ അഹമ്മദി നെജാദിനെ മൊസാദ് ഉദ്യോഗസ്ഥർ സുരക്ഷിത കേന്ദ്രത്തിലേക്ക് മാറ്റിയിരുന്നു. എന്നാൽ ഇസ്രായേലിന്റെ പദ്ധതികളിൽ പിന്നീട് അവിശ്വാസം തോന്നിയ അദ്ദേഹം അവിടെനിന്ന് സ്വയം രക്ഷപ്പെട്ടു പോവുകയായിരുന്നു. നിലവിൽ അഹമ്മദി നെജാദ് ഇറാന്റെ റെവല്യൂഷണറി ഗാർഡ്സിന്റെ കസ്റ്റഡിയിലാണെന്നാണ് കരുതപ്പെടുന്നത്. അടുത്തിടെ കൊല്ലപ്പെട്ട അലി ഖമേനിയുടെ സംസ്കാര ചടങ്ങിൽ കനത്ത സുരക്ഷയിൽ മുഖംമൂടി ധരിച്ച കാവൽക്കാർക്ക് നടുവിലാണ് അദ്ദേഹം അവസാനമായി പൊതുവേദിയിൽ പ്രത്യക്ഷപ്പെട്ടത്.
Story Summary
A sensational report reveals that Israel’s intelligence agency, Mossad, ran a multi-year operation starting in 2022 to recruit and reinstall Iran’s former hardline president, Mahmoud Ahmadinejad, as the country’s leader. Despite high-level secret meetings in Hungary and a rescue operation during the February US-Israel strikes on Iran, the plot failed after Ahmadinejad grew disillusioned with Israel’s plans.
