കുട്ടികളിലും മുതിർന്നവരിലും പനി ശമിപ്പിക്കാൻ ഉപയോഗിക്കുന്ന ഒരു വീട്ടുവൈദ്യമാണ് പനിക്കൂർക്ക (Panikoorka). പനിക്കൂർക്ക കൊണ്ടു ടേസ്റ്റിയും ഹെൽത്തിയുമായ ജ്യൂസ് എങ്ങനെ തയാറാക്കാമെന്ന് നോക്കാം.
ചേരുവകൾ
പനികൂർക്ക ഇല – 4 എണ്ണം
ഇഞ്ചി – 1 ചെറിയ കഷണം
നാരങ്ങാ നീര് – 2 ടേബിൾസ്പൂൺ
തേൻ – 3 ടീസ്പൂൺ അല്ലെങ്കിൽ പഞ്ചസാര -2 ടീസ്പൂൺ
ഉപ്പ് – 1 നുള്ള്
വെള്ളം – 1 കപ്പ്
തയാറാക്കുന്ന വിധം
മിക്സിയിൽ പനി കൂർക്ക ഇല, ഇഞ്ചി, നാരങ്ങാ നീര്, തേൻ അല്ലെങ്കിൽ പഞ്ചസാര, ഉപ്പ്, വെള്ളം എന്നിവ ചേർത്ത് അടിച്ചെടുക്കുക. അരിച്ച ശേഷം ഒരു ഗ്ലാസ്സിലേക്ക് ഒഴിച്ചു കുടിക്കാം. ആവശ്യമെങ്കിൽ ഐസ് ക്യൂബ്സും ഇട്ടു കുടിക്കാം.
