സ്പെയിൻ ലോകകപ്പ് ഫുട്ബോൾ കിരീടം നേടിയതിന്റെ ആഘോഷങ്ങൾക്കിടെ സിദാദ് റോഡ്രിഗോയിൽ (സലമാങ്ക) ദാരുണമായ അപകടം. ആഘോഷത്തിനിടെ ആരാധകർ കയറിനിന്ന ജലധാര തകർന്നു വീണ് 13 വയസ്സുള്ള ആൺകുട്ടി മരിച്ചു. അപകടത്തിൽ മൂന്ന് പേർക്ക് ഗുരുതരമായി പരിക്കേറ്റു. ഫൈനലിൽ അർജന്റീനയെ പരാജയപ്പെടുത്തി സ്പെയിൻ വിജയം ഉറപ്പിച്ചതിന് പിന്നാലെയായിരുന്നു സംഭവം. (Spain World Cup Celebration Accident)
നഗരത്തിലെ പ്രധാന ആഘോഷ കേന്ദ്രമായ ‘ആർബോൾ ഗോർഡോ’ ഫൗണ്ടനിൽ നൂറുകണക്കിന് ആരാധകർ ഒത്തുകൂടിയിരുന്നു. ആഘോഷം കൊഴുക്കുന്നതിനിടെ, ജലധാരയുടെ മുകൾഭാഗം തകരുകയും അതിനു മുകളിൽ കയറിനിന്നവർ താഴേക്ക് വീഴുകയുമായിരുന്നു. പരിക്കേറ്റ 13-കാരനെ ഉടൻ തന്നെ സിദാദ് റോഡ്രിഗോയിലെ ആരോഗ്യ കേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല.
ഞായറാഴ്ച പുലർച്ചെ 12:33-ഓടെയാണ് സിദാദ് റോഡ്രിഗോയിലെ എമർജൻസി സെന്ററിൽ വിവരം ലഭിച്ചത്. തുടർന്ന് പോലീസ്, ഫയർഫോഴ്സ്, മെഡിക്കൽ സംഘം എന്നിവർ സ്ഥലത്തെത്തി രക്ഷാപ്രവർത്തനം നടത്തി. പരിക്കേറ്റവരിൽ ഒരാൾക്ക് കാലിന് ഒടിവുണ്ട്. അപകടം നടന്ന പ്രദേശം പോലീസ് സീൽ ചെയ്തു. മരിച്ച കുട്ടിയുടെ കുടുംബത്തിന് മാനസിക പിന്തുണ നൽകാനായി പ്രത്യേക സംഘത്തെയും നിയോഗിച്ചിട്ടുണ്ട്. ആഘോഷങ്ങൾക്കിടയിലുണ്ടായ ഈ ദാരുണ സംഭവം സ്പെയിനിലാകെ വലിയ ഞെട്ടലാണ് ഉണ്ടാക്കിയിരിക്കുന്നത്.
Summary: A 13-year-old boy died and three others were seriously injured in Ciudad Rodrigo, Spain, after a fountain collapsed while fans were celebrating the nation’s World Cup victory. The incident occurred when supporters climbed onto the Árbol Gordo fountain during the post-match festivities, leading local authorities to launch an investigation into the collapse.
