ന്യൂയോർക്ക്: 2026 ഫിഫ ലോകകപ്പ് തുടങ്ങാൻ മണിക്കൂറുകൾ മാത്രം ബാക്കിനിൽക്കെ, ടിക്കറ്റ് വിൽപ്പനയുമായി ബന്ധപ്പെട്ട് വലിയ പ്രതിസന്ധിയിൽ ഫിഫ. ഏകദേശം 1,80,000 ടിക്കറ്റുകളാണ് നിലവിൽ ഫിഫയുടെ ഔദ്യോഗിക റീസെയിൽ പോർട്ടലിൽ വിൽപ്പനയ്ക്കായി ലിസ്റ്റ് ചെയ്തിരിക്കുന്നത് (FIFA World Cup 2026 Ticket Controversy). വൻ തുക മുടക്കി ടിക്കറ്റുകൾ വാങ്ങിയിരുന്ന ആരാധകരും സ്കാൽപ്പർമാരും തിരിച്ചടി നേരിട്ടതോടെ, പല ഗ്രൂപ്പ് സ്റ്റേജ് മത്സരങ്ങളിലും ഒഴിഞ്ഞ സീറ്റുകൾ ഉണ്ടാകുമെന്ന ആശങ്ക ശക്തമായി. മെറ്റ്ലൈഫ് സ്റ്റേഡിയത്തിലെ ഫൈനൽ മത്സരത്തിന്റെ ടിക്കറ്റ് നിരക്ക് ഏകദേശം 33,000 ഡോളറിന് മുകളിലാണ്. റീസെയിൽ വിപണിയിലെത്തിയാൽ ഇത് 90,000 ഡോളർ വരെ ഉയർന്നേക്കാം.
ഫിഫ നടപ്പിലാക്കിയ ‘ഡൈനാമിക് പ്രൈസിങ്’ രീതിയാണ് ആരാധകരെ കടുത്ത പ്രതിസന്ധിയിലാക്കിയത്. ഡിമാൻഡ് അനുസരിച്ച് ടിക്കറ്റ് നിരക്ക് കുത്തനെ ഉയരുന്ന ഈ രീതി, സാധാരണക്കാരായ ഫുട്ബോൾ ആരാധകരെ സ്റ്റേഡിയത്തിൽ നിന്ന് അകറ്റുന്നുവെന്ന് വിമർശനമുണ്ട്. 2022 ഖത്തർ ലോകകപ്പിനെ അപേക്ഷിച്ച് അഞ്ചിരട്ടി തുകയാണ് ഇത്തവണ ചില ടിക്കറ്റുകൾക്ക് ഈടാക്കുന്നത്. ടിക്കറ്റ് വരുമാനത്തിൽ നിന്ന് മാത്രം 300 കോടി ഡോളറാണ് ഫിഫ ഇത്തവണ ലക്ഷ്യമിടുന്നത്, ഇത് ടൂർണമെന്റിന്റെ ആകെ വരുമാനത്തിന്റെ 27 ശതമാനത്തോളമാണ്. ഈ ഉയർന്ന വിലയും ടിക്കറ്റ് വിൽപനയിലെ സുതാര്യതയില്ലായ്മയും ചൂണ്ടിക്കാട്ടി ന്യൂയോർക്ക്, ന്യൂജേഴ്സി അറ്റോർണി ജനറൽമാർ ഫിഫയ്ക്കെതിരെ അന്വേഷണം ആരംഭിച്ചിട്ടുണ്ട്. ലോകകപ്പ് ചരിത്രത്തിലെ ഏറ്റവും വലിയ കാണികളെയാണ് പ്രതീക്ഷിക്കുന്നതെങ്കിലും, ഉയർന്ന നിരക്കും കൃത്യമായ ആസൂത്രണമില്ലായ്മയും ഫിഫയുടെ ഈ സ്വപ്നത്തിന് തിരിച്ചടിയാകുമോ എന്ന ആശങ്കയിലാണ് കായിക ലോകം.
Summary: A major ticketing crisis has overshadowed the upcoming 2026 FIFA World Cup, with approximately 180,000 tickets currently listed on FIFA’s official resale portal just days before the opening match. This unprecedented backlog is largely attributed to FIFA’s controversial “dynamic pricing” model, which fluctuates ticket costs based on demand, causing prices to soar to exorbitant levels—some tickets are nearly five times more expensive than those at the 2022 Qatar World Cup.
