ചെന്നൈ: തമിഴ്നാട് മുഖ്യമന്ത്രി വിജയ് നായകനാകുന്ന ‘ജനനായകൻ’ എന്ന പുതിയ ചിത്രത്തിന്റെ ദൃശ്യങ്ങൾ ഇന്റർനെറ്റിൽ ചോർന്ന സംഭവത്തിൽ അന്വേഷണം ഊർജ്ജിതമാക്കി തമിഴ്നാട് പൊലീസ്. തമിഴ്നാട് സ്റ്റേറ്റ് സൈബർ ക്രൈം വിങ് നടത്തിയ വിശദമായ ഡിജിറ്റൽ തെളിവുകളുടെയും സാങ്കേതിക വിശകലനത്തിന്റെയും അടിസ്ഥാനത്തിൽ കേസിൽ മൂന്ന് പേരെക്കൂടി അറസ്റ്റ് ചെയ്തു (Vijay Jana Nayagan Movie Leak Arrest). ഇതോടെ ഈ സിനിമാ പൈറസി കേസുമായി ബന്ധപ്പെട്ട് അറസ്റ്റിലായവരുടെ എണ്ണം ഒൻപതായി ഉയർന്നു.
മറ്റൊരു ചിത്രത്തിന്റെ ഫ്രീലാൻസ് അസിസ്റ്റന്റ് എഡിറ്ററായി ജോലി ചെയ്തിരുന്ന പ്രധാന പ്രതി, എഡിറ്റിംഗ് സ്റ്റുഡിയോയിൽ നിന്ന് അനുമതിയില്ലാതെ ജനനായകൻ സിനിമയുടെ ദൃശ്യങ്ങൾ മോഷ്ടിക്കുകയായിരുന്നുവെന്ന് അന്വേഷണ ഉദ്യോഗസ്ഥർ കണ്ടെത്തി. ഇങ്ങനെ മോഷ്ടിച്ച ദൃശ്യങ്ങൾ പിന്നീട് പൂർണ്ണമായ വീഡിയോ ഫോർമാറ്റിലേക്ക് മാറ്റി മറ്റ് പ്രതികൾക്ക് പങ്കുവെച്ചതാണ് ഇന്റർനെറ്റിൽ വൻതോതിൽ പൈറേറ്റഡ് കോപ്പികൾ പ്രചരിക്കാൻ കാരണമായത്. കോടതിയിൽ ഹാജരാക്കിയ മൂന്ന് പ്രതികളെയും ജുഡീഷ്യൽ കസ്റ്റഡിയിൽ വിട്ടു. വ്യാജ പതിപ്പുകൾ ഡൗൺലോഡ് ചെയ്യുന്നവർക്കും ലിങ്കുകൾ പ്രചരിപ്പിക്കുന്നവർക്കുമെതിരെ കർശന നിയമനടപടികൾ സ്വീകരിക്കുമെന്ന് സൈബർ ക്രൈം വിങ് മുന്നറിയിപ്പ് നൽകിയിട്ടുണ്ട്. എച്ച്. വിനോദ് സംവിധാനം ചെയ്യുന്ന ഈ ചിത്രത്തിലെ ദൃശ്യങ്ങൾ ചോർന്നതിനെ സിനിമാ ലോകം ഒന്നടങ്കം അപലപിച്ചിരുന്നു.
Summary: The Tamil Nadu Police Cyber Crime Wing has arrested three more individuals in connection with the online leak of actor-politician Vijay’s upcoming movie, Jana Nayagan. This follows the previous detention of six people involved in the digital piracy case. Investigators revealed that the main accused, a freelance assistant editor, unauthorizedly accessed and stole film footage from an editing studio, which was then converted into video format and widely circulated online. The police have warned the public against downloading, streaming, or sharing pirated links.
