പാലക്കാട്: നിയമസഭാ തിരഞ്ഞെടുപ്പിൽ പാലക്കാട് മണ്ഡലത്തിൽ നിന്ന് വിജയിച്ചു കയറിയ രമേശ് പിഷാരടിക്ക് തനതായ ശൈലിയിൽ ആശംസകൾ നേർന്ന് പ്രിയ ഗായിക റിമി ടോമി (Rimi Tomy Instagram Post). തന്റെ ജാതകത്തിൽ ഒരു എംഎൽഎ സുഹൃത്തുണ്ടാകുമെന്ന് നേരത്തെ തന്നെ പ്രവചനമുണ്ടായിരുന്നുവെന്നും എന്നാൽ അത് പിഷാരടിയായിരിക്കുമെന്ന് കരുതിയില്ലെന്നുമാണ് റിമി കുറിച്ചത്.
സോഷ്യൽ മീഡിയയിൽ പിഷാരടിക്കൊപ്പമുള്ള ചിത്രം പങ്കുവെച്ചുകൊണ്ട് റിമി കുറിച്ച വാക്കുകൾ ആരാധകർക്കിടയിൽ ചിരി പടർത്തുകയാണ്:
“എന്റെ ജാതകത്തിൽ ഒരു എംഎൽഎ സുഹൃത്ത് വരുമെന്ന് ഉണ്ടായിരുന്നു. അത് പിഷു ആണെന്ന് അറിഞ്ഞില്ല.”
റിമിയുടെ പോസ്റ്റിന് താഴെ നിരവധി സിനിമാ താരങ്ങളും ആരാധകരും പിഷാരടിക്ക് അഭിനന്ദനങ്ങളുമായി എത്തുന്നുണ്ട്. അടുത്ത സുഹൃത്തുക്കളായ ഇരുവരുടെയും ഈ സൗഹൃദ സംഭാഷണം ഇതിനോടകം വൈറലായിക്കഴിഞ്ഞു.
പാലക്കാട് നിയോജക മണ്ഡലത്തിൽ ശക്തമായ ത്രികോണ മത്സരത്തിനൊടുവിലാണ് രമേശ് പിഷാരടി വിജയിച്ചത്. ബിജെപി സ്ഥാനാർത്ഥി ശോഭ സുരേന്ദ്രനെതിരെ 13,147 വോട്ടുകളുടെ ഭൂരിപക്ഷത്തിലാണ് പിഷാരടി വിജയം ഉറപ്പിച്ചത്. എൽഡിഎഫ് സ്വതന്ത്രനായി മത്സരിച്ച ഹോട്ടൽ വ്യവസായി എൻ.എം.ആർ. റസാഖ് ആയിരുന്നു മണ്ഡലത്തിലെ മറ്റൊരു പ്രധാന സ്ഥാനാർത്ഥി. താരപ്രചാരണങ്ങളാൽ ശ്രദ്ധേയമായ മണ്ഡലത്തിൽ കന്നിയങ്കത്തിൽ തന്നെ തിളക്കമാർന്ന വിജയം നേടാൻ പിഷാരടിക്ക് സാധിച്ചു.
View this post on Instagram
Story Summary: Singer Rimi Tomy shared a witty congratulatory note for Ramesh Pisharody on his Palakkad victory, joking that her horoscope had predicted an MLA friend. Pisharody won the seat with a majority of 13,147 votes against BJP’s Sobha Surendran.
