ന്യൂഡൽഹി: തന്റെ അനുമതിയില്ലാതെ അഭിമുഖത്തിലെ ദൃശ്യങ്ങൾ എഡിറ്റ് ചെയ്ത് പരസ്യത്തിനായി ഉപയോഗിച്ച വെൽനസ് ബ്രാൻഡിനെതിരെ നടൻ ആർ മാധവൻ നിയമനടപടിയിലേക്ക് (R Madhavan Sues Elevate Now Brand). ‘എലിവേറ്റ് നൗ’ എന്ന സ്ഥാപനത്തിനെതിരെയാണ് താരം നിയമനോട്ടീസ് അയച്ചത്. കമ്പനി നൽകിയ പരസ്യത്തിന്റെ സ്ക്രീൻഷോട്ട് പങ്കുവെച്ചുകൊണ്ട് ‘അപമാനം’ എന്നാണ് മാധവൻ ഇതിനെ വിശേഷിപ്പിച്ചത്.
താൻ പ്രസ്തുത കമ്പനിയുടെ ഉൽപ്പന്നങ്ങൾ പ്രൊമോട്ട് ചെയ്യുന്ന രീതിയിലാണ് ദൃശ്യങ്ങൾ എഡിറ്റ് ചെയ്ത് പ്രചരിപ്പിക്കുന്നതെന്നും ഇത്തരം തട്ടിപ്പുകാരിൽ നിന്നും പൊതുജനങ്ങൾ ജാഗ്രത പാലിക്കണമെന്നും താരം ഇൻസ്റ്റാഗ്രാമിലൂടെ മുന്നറിയിപ്പ് നൽകി. മുൻപ് ഒരു അഭിമുഖത്തിൽ തന്റെ ഫിറ്റ്നസ് ശീലങ്ങളെക്കുറിച്ചും ‘റോക്കട്രി’ എന്ന സിനിമയ്ക്കായി ശരീരഭാരം കൂട്ടിയതിനെക്കുറിച്ചും മാധവൻ സംസാരിച്ചിരുന്നു. ഈ ദൃശ്യങ്ങളാണ് കമ്പനി അവരുടെ വെയ്റ്റ് ലോസ് പ്രോഗ്രാമിന്റെ പരസ്യത്തിനായി ഉപയോഗിച്ചത്. അനുമതിയില്ലാതെ സെലിബ്രിറ്റികളുടെ ദൃശ്യങ്ങൾ ഡിജിറ്റൽ പരസ്യങ്ങൾക്ക് ഉപയോഗിക്കുന്ന പ്രവണതകൾക്കെതിരെയുള്ള ശക്തമായ മുന്നറിയിപ്പാണ് മാധവന്റെ ഈ പെട്ടെന്നുള്ള നിയമനടപടി.
View this post on Instagram
Summary: Actor R Madhavan has initiated legal action against wellness and functional-health brand Elevate Now for using a clip from an older interview without his permission. The brand utilized his fitness-related commentary to promote its weight loss programs, creating a false impression that the actor endorsed their services. Expressing his outrage on social media, Madhavan termed the act shameful, issued a stern warning to the public to beware of such deceptive promotional strategies, and confirmed that a legal notice has been served to the organization.
