നടി ഖുശ്ബു സുന്ദറിന്റെയും സംവിധായകൻ സുന്ദർ സിയുടെയും മൂത്ത മകൾ അവന്തിക സുന്ദറിന്റെ വിവാഹം ഗോവയിലെ ആഡംബര റിസോർട്ടിൽ വെച്ച് വളരെ ആഘോഷപൂർവം നടന്നു (Khushbu Sundar Daughter Wedding). ശ്രാവൺ ശ്രീനിവാസനാണ് വരൻ. ദക്ഷിണേന്ത്യൻ സിനിമാ മേഖലയിലെയും ബോളിവുഡിലെയും വൻതാരനിരയാണ് വിവാഹ ചടങ്ങിൽ പങ്കുചേരാൻ ഗോവയിൽ എത്തിയത്. ചടങ്ങിൽ തമിഴ്നാട് മുഖ്യമന്ത്രി വിജയ് പങ്കെടുക്കുമെന്ന് പ്രതീക്ഷിച്ചിരുന്നെങ്കിലും അദ്ദേഹത്തിന്റെ അസാന്നിധ്യം ശ്രദ്ധേയമായി. നേരിട്ട് ക്ഷണിച്ചിരുന്നെങ്കിലും ഔദ്യോഗിക തിരക്കുകൾ മൂലമാണ് അദ്ദേഹം പങ്കെടുക്കാതിരുന്നത്.
തെലുങ്ക് സൂപ്പർതാരങ്ങളായ ചിരഞ്ജീവി, നാഗാർജുന, വെങ്കിടേഷ് എന്നിവരും തൃഷ കൃഷ്ണൻ, അമല അക്കിനേനി തുടങ്ങിയവരും ചടങ്ങിൽ എത്തിയത് സിനിമാ പ്രേമികൾക്ക് വലിയൊരു വിരുന്നായി മാറി. ബോളിവുഡിൽ നിന്നും ജാക്കി ഷ്രോഫ്, അനിൽ കപൂർ എന്നിവരും വിവാഹത്തിനെത്തി അതിഥികൾക്കൊപ്പം സമയം ചെലവഴിച്ചു. താരങ്ങൾ എല്ലാവരും പരമ്പരാഗത ദക്ഷിണേന്ത്യൻ വേഷമായ മുണ്ടും വേഷ്ടിയും ധരിച്ചാണ് ചടങ്ങിൽ എത്തിയത് എന്നത് ഏറെ ശ്രദ്ധിക്കപ്പെട്ടു. 80-കളിലെ പ്രമുഖ താരങ്ങളെല്ലാം ഒരേ വേദിയിൽ ഒത്തുചേർന്നത് ആരാധകർ വലിയ ആവേശത്തോടെയാണ് സോഷ്യൽ മീഡിയയിൽ സ്വീകരിച്ചത്. പ്രധാനമന്ത്രി നരേന്ദ്ര മോദിയെ നേരിട്ട് കണ്ട് ഖുശ്ബുവും സുന്ദർ സിയും വിവാഹക്ഷണപത്രം നൽകിയിരുന്നു എന്നത് നേരത്തെ വാർത്തകളിൽ ഇടംപിടിച്ചിരുന്നു.
Summary: Veteran actress-politician Khushbu Sundar and director Sundar C’s daughter, Avantika, married Shravan Sreenivasan in a star-studded ceremony at a luxury resort in Goa. The wedding was attended by South Indian superstars including Chiranjeevi, Nagarjuna, Venkatesh, and Trisha, alongside Bollywood actors Anil Kapoor and Jackie Shroff. While Tamil Nadu CM Vijay was invited, he could not attend the event. The sight of cinema icons dressed in traditional South Indian attire, particularly the rare gathering of stars from the 80s, has captivated fans across social media platforms.
