ചെന്നൈ: സംസ്ഥാന ഭരണകൂടത്തിന്റെ ഭാഗത്തുനിന്നുണ്ടാകുന്ന അസാധാരണ നിയമനങ്ങൾക്കെതിരെ തമിഴ്നാട്ടിൽ വിമർശനം ശക്തമാകുന്നു. നടൻ വിജയ്യുമായി ബന്ധപ്പെട്ട വിവാദ ചിത്രമായ ‘ജനനായകൻ’-ന്റെ നിർമ്മാതാവും കെ.വി.എൻ. പ്രൊഡക്ഷൻസ് ഉടമയുമായ കെ. വെങ്കട്ടനാരായണയെ ദില്ലിയിലെ തമിഴ്നാട് സർക്കാരിന്റെ പ്രതിനിധിയായി നിയമിച്ചതാണ് പുതിയ വിവാദങ്ങൾക്ക് തിരിതെളിച്ചിരിക്കുന്നത് (K Venkatanarayana Controversial Appointment). ഒരു വർഷത്തേക്കാണ് ഈ നിയമനം. ബെംഗളൂരു ആസ്ഥാനമായി പ്രവർത്തിക്കുന്ന വെങ്കട്ടനാരായണയ്ക്ക് ഇത്തരമൊരു സർക്കാർ പദവി നൽകിയതിൽ രാഷ്ട്രീയ കേന്ദ്രങ്ങളിൽ നിന്നും വലിയ പ്രതിഷേധമാണ് ഉയരുന്നത്.
ചിത്രത്തിന്റെ നിർമ്മാണവുമായി ബന്ധപ്പെട്ട് വലിയ സാമ്പത്തിക നഷ്ടങ്ങൾ നേരിട്ടുവെന്ന് നേരത്തെ കോടതിയിൽ ഉൾപ്പെടെ നിർമ്മാതാക്കൾ വാദിച്ചിരുന്നു. ‘ജനനായകൻ’ ചിത്രം നിർമ്മിച്ചാൽ വലിയ ഭവിഷ്യത്തുകൾ നേരിടേണ്ടി വരുമെന്ന് നടൻ വിജയ് തന്നെ നിർമ്മാതാവിന് മുന്നറിയിപ്പ് നൽകിയിരുന്നതായും റിപ്പോർട്ടുകളുണ്ട്. ആരെങ്കിലും റിസ്ക് എടുക്കാൻ തയ്യാറായതുകൊണ്ടാണ് സിനിമ പൂർത്തിയായതെന്ന് മലേഷ്യയിലെ ഒരു പരിപാടിക്കിടെ വിജയ് വെളിപ്പെടുത്തിയിരുന്നു. ചിത്രം പൂർത്തിയായിട്ടും പ്രദർശനത്തിന് തയ്യാറാകാതെ ഇപ്പോഴും പെട്ടിയിലിരിക്കെയാണ്, നിർമ്മാതാവിന് ഇത്തരമൊരു ഉന്നത സർക്കാർ പദവി നൽകിയത് രാഷ്ട്രീയ ഒത്തുകളിയാണെന്ന ആരോപണവും പ്രതിപക്ഷം ഉന്നയിക്കുന്നു.
Summary: The Tamil Nadu government, led by Vijay, has sparked controversy by appointing K. Venkatanarayana, the producer of the film ‘Jananayakan’ and owner of KVN Productions, as the state government’s representative in New Delhi. The one-year appointment has drawn widespread criticism, with opposition parties alleging political favoritism. The move comes at a time when the film, which faced production delays and significant financial losses, remains unreleased.
