ബോളിവുഡിന്റെ പ്രിയ ദമ്പതിമാരായ ദീപിക പാദുകോണും രൺവീർ സിംഗും വീണ്ടുമൊരു സന്തോഷവാർത്തയുമായി എത്തിയിരിക്കുകയാണ് (Deepika Padukone pregnant). തങ്ങൾ രണ്ടാമത്തെ കുഞ്ഞിനായുള്ള കാത്തിരിപ്പിലാണെന്ന വിവരം പങ്കുവെച്ചതിന് പിന്നാലെ, മുംബൈ വിമാനത്താവളത്തിൽ നിന്നുള്ള ദീപികയുടെ പുതിയ ചിത്രങ്ങളും വീഡിയോയുമാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. നിറഞ്ഞ വയറുമായി അതീവ സുന്ദരിയായാണ് ദീപിക ക്യാമറകൾക്ക് മുന്നിലെത്തിയത്.
കാറിൽ നിന്നിറങ്ങുന്ന ദീപികയെ അത്രമേൽ കരുതലോടും ശ്രദ്ധയോടും കൂടി കൈപിടിച്ച് നടത്തുന്ന രൺവീർ സിംഗിന്റെ വീഡിയോ ആരാധകരുടെ മനം കവരുകയാണ്. മികച്ചൊരു ഭർത്താവ് എങ്ങനെയായിരിക്കണം എന്നതിന് ഉദാഹരണമാണ് രൺവീറെന്നാണ് ആരാധകരുടെ കമന്റുകൾ.
തങ്ങളുടെ ജീവിതത്തിലേക്ക് രണ്ടാമതൊരു അതിഥി കൂടി എത്തുന്ന വിവരം ഇൻസ്റ്റാഗ്രാമിലൂടെയാണ് ഈ താരദമ്പതികൾ ലോകത്തെ അറിയിച്ചത്. ദീപികയുടെ പോസിറ്റീവായ പ്രഗ്നൻസി കിറ്റ് കയ്യിൽ പിടിച്ചുനിൽക്കുന്ന ഇവരുടെ ആദ്യ മകൾ ദുവയുടെ മനോഹരമായ ചിത്രമാണ് ഇൻസ്റ്റാഗ്രാമിൽ പങ്കുവെച്ചിരിക്കുന്നത്.
പ്രണയം പൂവിട്ട സിനിമാ സെറ്റ് മുതൽ ഇന്നുവരെ… 2013-ൽ പുറത്തിറങ്ങിയ ‘ഗോലിയോം കീ രാസ്ലീല രാം-ലീല’ എന്ന ചിത്രത്തിന്റെ സെറ്റിൽ വെച്ചാണ് രൺവീറും ദീപികയും പ്രണയത്തിലാകുന്നത്. വർഷങ്ങൾ നീണ്ട പ്രണയത്തിനൊടുവിൽ 2015-ൽ ഇരുവരും രഹസ്യമായി വിവാഹനിശ്ചയം നടത്തി.
View this post on Instagram
2018 നവംബർ 14-നായിരുന്നു ആരാധകർ കാത്തിരുന്ന ആ ആഡംബര വിവാഹം. ഇറ്റലിയിലെ വിഖ്യാതമായ ലേക്ക് കോമോയിൽ വെച്ച് നടന്ന ചടങ്ങിൽ രൺവീറിന്റെ സിന്ധി ആചാരപ്രകാരവും ദീപികയുടെ കൊങ്കണി ആചാരപ്രകാരവും രണ്ട് തരത്തിലാണ് വിവാഹ ചടങ്ങുകൾ നടന്നത്.
വിവാഹം കഴിഞ്ഞ് വർഷങ്ങൾക്ക് ശേഷം, 2024 സെപ്റ്റംബർ എട്ടിനാണ് ഇവരുടെ ജീവിതത്തിലേക്ക് ആദ്യ കണ്മണിയായി മകൾ ‘ദുവ’ ജനിക്കുന്നത്. മകൾക്ക് ഒന്നര വയസ്സ് തികയുന്നതിന് പിന്നാലെയാണ് ഇപ്പോൾ കുടുംബത്തിലേക്ക് പുതിയൊരു അംഗം കൂടി എത്തുന്നതിന്റെ സന്തോഷത്തിലാണ് ദമ്പതികൾ.
Story Summary: Bollywood power couple Deepika Padukone and Ranveer Singh have announced that they are expecting their second child. A video of a pregnant Deepika accompanied by a caring Ranveer at the Mumbai airport has gone viral. The couple, who married in 2018, welcomed their first daughter, Dua, in September 2024.
