വയനാട്: തന്റെ ജീവിതത്തിലെ വലിയ തണലുകളിലൊന്നായ ഉമ്മൂമ്മയുടെ വിയോഗത്തിൽ വികാരാധീനയായി നടി അനു സിത്താര (Anu Sithara Grandmother Death). കുട്ടിക്കാലം മുതൽ തനിക്ക് താങ്ങായിരുന്ന ഉമ്മൂമ്മയോടൊപ്പമുള്ള മനോഹരമായ നിമിഷങ്ങൾ കോർത്തിണക്കിയ വീഡിയോയും ഹൃദയസ്പർശിയായ ഒരു കുറിപ്പും താരം സോഷ്യൽ മീഡിയയിൽ പങ്കുവെച്ചു.
ഉമ്മൂമ്മ പറഞ്ഞുതന്ന കഥകളും പാടിത്തന്ന പാട്ടുകളും ഇന്നും കാതുകളിലുണ്ടെന്നും പരാതികളില്ലാതെ എല്ലാവരെയും സ്നേഹിച്ച വ്യക്തിയായിരുന്നു ഉമ്മയെന്നും അനു ഓർമ്മിക്കുന്നു. അമ്പലങ്ങളിലെ ഉത്സവങ്ങൾക്ക് അനുവും അനിയത്തിയും നൃത്തം അവതരിപ്പിക്കുമ്പോൾ തട്ടവുമിട്ട് മുൻനിരയിൽ തന്നെ ഉമ്മൂമ്മ ഇരിക്കുമായിരുന്നു. ആ ഉമ്മൂമ്മയുടെ പേരക്കുട്ടിയായി ജനിച്ചത് വലിയ ഭാഗ്യമാണെന്ന് താരം കുറിച്ചു.
നിലമ്പൂർ സ്വദേശിയായ ഉമ്മൂമ്മ മുപ്പത് വർഷങ്ങൾക്ക് മുമ്പാണ് മക്കൾക്കൊപ്പം വയനാട്ടിലേക്ക് കുടിയേറിയത്. അബ്ദുൾ സലാമിന്റെയും രേണുകയുടെയും മകളാണ് അനു സിത്താര. ഇനിയുമൊരു ജന്മമുണ്ടെങ്കിൽ ഈ ഉമ്മയുടെ പേരക്കുട്ടിയായി തന്നെ ജനിക്കണമെന്നാണ് അനുവിന്റെ ആഗ്രഹം. അനു സിത്താരയുടെയും കുടുംബത്തിന്റെയും ദുഃഖത്തിൽ നിരവധി ആരാധകരും സഹപ്രവർത്തകരും അനുശോചനം രേഖപ്പെടുത്തി.
News Summary: Malayalam actress Anu Sithara shared a touching tribute following the demise of her beloved paternal grandmother (Ummumma). In an emotional social media post, the actress recalled her childhood memories, the stories, and the lullabies shared by her grandmother. She expressed deep pride in her grandmother’s support, mentioning how she would sit in the front row, wearing her headscarf, to watch Anu’s dance performances at temple festivals. Anu, the daughter of Abdul Salam and Renuka, stated that she wishes to be born as her grandmother’s grandchild in every life.
