ഇസ്ലാമാബാദ്: പാകിസ്ഥാനിലെ ഖൈബർ പഖ്തൂൺഖ്വ പ്രവിശ്യയിലെ ബാരയിൽ, സ്വന്തം ഭാര്യയെയും അഞ്ച് മക്കളെയും പത്തുവർഷത്തോളം വീട്ടിനുള്ളിൽ തടങ്കലിലാക്കി ക്രൂരമായി പീഡിപ്പിച്ചു വന്ന പാകിസ്ഥാൻ സ്വദേശിയായ ഭർത്താവിനെ പോലീസ് അറസ്റ്റ് ചെയ്തു. ഫ്രഞ്ച് പൗരയായ സിൽവി യാസ്മിന (54) നൽകിയ പരാതിയെത്തുടർന്നാണ് പോലീസ് നടപടി.(Pakistani Man Arrested for Holding Wife and Children Captive for a Decade)
ദിവസവും കടുത്ത ശാരീരിക-മാനസിക പീഡനങ്ങളാണ് കുടുംബം അനുഭവിച്ചിരുന്നത്. മക്കളിലൊരാൾ രഹസ്യമായി പുറത്തുകടന്ന് പോലീസിൽ പരാതി നൽകിയതോടെയാണ് സംഭവം പുറത്തറിയുന്നത്. തുടർന്ന് പോലീസ് നടത്തിയ റെയ്ഡിൽ, തകർന്നടിഞ്ഞ നിലയിലുള്ള ചെറിയൊരു മുറിയിൽ അടച്ചിട്ട അവസ്ഥയിലാണ് യാസ്മിനയെയും മക്കളെയും കണ്ടെത്തിയത്. ഇവരുടെ ശരീരമാസകലം മർദ്ദനമേറ്റ പാടുകളുണ്ടായിരുന്നു. ഇവരെ ഇപ്പോൾ പെഷവാറിലെ ഒരു വനിതാ അഭയകേന്ദ്രത്തിലേക്ക് മാറ്റിയിരിക്കുകയാണ്. നിയമനടപടികൾ പൂർത്തിയാക്കി ഫ്രാൻസിലേക്ക് മടങ്ങാനാണ് ഇവർ ആഗ്രഹിക്കുന്നത്.
2003-ൽ ഓസ്ട്രേലിയയിൽ വെച്ചാണ് ഇരുവരും വിവാഹിതരായത്. 2014 വരെ ഓസ്ട്രേലിയയിൽ താമസിച്ചിരുന്ന ഇവർ, പിന്നീട് പാകിസ്ഥാനിലേക്ക് താമസം മാറുകയായിരുന്നു. പാകിസ്ഥാനിലെത്തിയതു മുതൽ ഭർത്താവ് തങ്ങളെ പുറംലോകവുമായി ബന്ധപ്പെടാൻ അനുവദിച്ചിരുന്നില്ലെന്ന് യാസ്മിന പറഞ്ഞു. മൂത്ത രണ്ട് മക്കളുടെ വിദ്യാഭ്യാസം മുടങ്ങി. പാകിസ്ഥാനിൽ ജനിച്ച ഇളയ മൂന്ന് മക്കൾക്ക് സ്കൂളിൽ പോകാനോ വിദ്യാഭ്യാസം നേടാനോ അവസരം ലഭിച്ചിരുന്നില്ല. തന്റെയും മക്കളുടെയും ഭാവി നശിക്കുമെന്ന് ഭയന്നാണ് ഇവർ കഴിഞ്ഞത്. ഓസ്ട്രേലിയയിൽ വെച്ച് ഇരുവരും കണ്ടുമുട്ടുമ്പോൾ ഭർത്താവ് അവിടെ നിയമവിരുദ്ധമായാണ് താമസിച്ചിരുന്നത്. ഇപ്പോൾ ഇയാളെ പോലീസ് കസ്റ്റഡിയിലെടുത്ത് കൂടുതൽ അന്വേഷണം നടത്തിവരികയാണ്.
Story Summary
A Pakistani man has been arrested in Bara for holding his French wife, Sylvie Yasmina, and their five children captive for over a decade. The family was subjected to daily physical and mental abuse since moving to Pakistan from Australia in 2014, with the children deprived of all education before a daring escape by one of the sons led to their rescue.
