ആലപ്പുഴ: പൊതുവേദിയിൽ ആഭ്യന്തരമന്ത്രി രമേശ് ചെന്നിത്തലയെ സാക്ഷിയാക്കി സി.പി.എം നേതൃത്വത്തിനും പോലീസിനുമെതിരെ രൂക്ഷവിമർശനവുമായി അമ്പലപ്പുഴ എം.എൽ.എ ജി. സുധാകരൻ. ആലപ്പുഴ നഗരസഭയിലെ എൽ.ഡി.എഫ് കൗൺസിലർമാർ തനിക്കെതിരെ ഗൂഢാലോചന നടത്തുകയാണെന്നും, നഗരസഭയിലെ പ്രതിഷേധത്തെക്കുറിച്ചുള്ള വിവരങ്ങൾ മുൻകൂട്ടി അറിയിക്കുന്നതിൽ പോലീസ് പരാജയപ്പെട്ടുവെന്നും അദ്ദേഹം തുറന്നടിച്ചു.(G Sudhakaran Criticizes CPM And Police In Presence Of Ramesh Chennithala)
കൂടാതെ, സി.പി.എമ്മും കോൺഗ്രസും തമ്മിലുള്ള അനാവശ്യ കൂട്ടുകച്ചവടം അവസാനിപ്പിക്കണമെന്നും അദ്ദേഹം വേദിയിൽ വെച്ച് ആവശ്യപ്പെട്ടു. അതേസമയം, ജി. സുധാകരന് വേദിയിൽ വെച്ച് തന്നെ പിന്തുണ പ്രഖ്യാപിച്ച് രമേശ് ചെന്നിത്തല രംഗത്തെത്തി.
ജനങ്ങൾ തിരഞ്ഞെടുത്ത് ഉയർത്തിക്കൊണ്ടുവന്ന, രണ്ടുതവണ മന്ത്രിയായിട്ടും യാതൊരുവിധ അഴിമതി ആരോപണങ്ങളും നേരിട്ടിട്ടില്ലാത്ത മാതൃകാ നേതാവാണ് ജി. സുധാകരനെന്ന് ചെന്നിത്തല പറഞ്ഞു. സ്വതന്ത്രനായി മത്സരിച്ച് വലിയ ഭൂരിപക്ഷത്തിൽ വിജയിച്ച അദ്ദേഹത്തെ അധിക്ഷേപിക്കാനുള്ള നീക്കങ്ങളിൽ നിന്ന് സി.പി.എം പിന്തിരിയണമെന്നും ജനാധിപത്യപരമായ ജനവിധിയെ മാനിക്കണമെന്നും അദ്ദേഹം കൂട്ടിച്ചേർത്തു.
Story Summary
Ambalappuzha MLA G. Sudhakaran launched a scathing attack on the CPM leadership, LDF councillors, and the police force in the presence of Home Minister Ramesh Chennithala at a public event. In response, Chennithala offered full support to Sudhakaran.
