കൊച്ചി: നീറ്റ് പരീക്ഷാ ക്രമക്കേടുകൾക്കെതിരെ ഡൽഹിയിൽ കോക്ക്റോച്ച് ജനതാ പാർട്ടിയുടെ (CJP) നേതൃത്വത്തിൽ നടക്കുന്ന വിദ്യാർത്ഥി പ്രക്ഷോഭത്തിന് പിന്തുണയുമായി എത്തിയ പ്രമുഖ അവതാരികയും നടിയുമായ രഞ്ജിനി ഹരിദാസ് പ്രധാനമന്ത്രി നരേന്ദ്ര മോദിയോട് പരസ്യമായി ചോദ്യങ്ങളുന്നയിച്ച് രംഗത്ത്. വിദ്യാർത്ഥി സമരത്തിൽ പ്രതികരിച്ചുകൊണ്ട് പ്രധാനമന്ത്രി പങ്കുവെച്ച വീഡിയോയ്ക്ക് താഴെയാണ് രഞ്ജിനി ശക്തമായ ഭാഷയിൽ കമന്റ് ചെയ്തിരിക്കുന്നത്.(Ranjini Haridas Questions PM Narendra Modi Over NEET Student Protest)
ഡൽഹിയിലെ സമരവേദി സന്ദർശിച്ച ശേഷം താരം നേരത്തെ തന്നെ തന്റെ അനുഭവങ്ങൾ പങ്കുവെച്ചിരുന്നു. അതിന് പിന്നാലെയാണ് പ്രധാനമന്ത്രിയുടെ സോഷ്യൽ മീഡിയ പോസ്റ്റിന് താഴെ ചോദ്യങ്ങളുമായി എത്തിയത്. “ഇത്രയും ദിവസം താങ്കൾ എവിടെയായിരുന്നു?” എന്ന് ചോദിച്ച രഞ്ജിനി, സമാധാനപരമായി പ്രതിഷേധിച്ച വിദ്യാർത്ഥികളെ മൃഗീയമായി മർദ്ദിക്കുകയായിരുന്നുവെന്ന് ആരോപിച്ചു.
കുട്ടികളെ നിശബ്ദരാക്കാൻ ബലപ്രയോഗം നടത്തുന്നതിന് പകരം ചർച്ചയ്ക്കായി സർക്കാർ മുമ്പോട്ട് വന്നിരുന്നെങ്കിൽ ഈ സംഘർഷങ്ങൾ ഒഴിവാക്കാമായിരുന്നു എന്നും അവർ പറഞ്ഞു. ഇന്ത്യയിലെ യുവാക്കളുടെ ശബ്ദം കേൾക്കാനും അവരുടെ ആവശ്യങ്ങൾ അംഗീകരിക്കാനും പ്രധാനമന്ത്രി തയ്യാറാകണമെന്നും രഞ്ജിനി കൂട്ടിച്ചേർത്തു.
Story Summary
Anchor and actor Ranjini Haridas publicly questioned Prime Minister Narendra Modi in the comment section of his social media video regarding the NEET student protests. Having personally visited the CJP-led protest site in Delhi, she criticized the police crackdown on students and demanded the removal of the Education Minister to restore faith in the system.
