ന്യൂഡൽഹി: നീറ്റ് പരീക്ഷാ ചോർച്ചയുമായി ബന്ധപ്പെട്ട് പ്രതിഷേധത്തിനിടെ നിരാഹാര സമരം അനുഷ്ഠിക്കുന്ന പരിസ്ഥിതി പ്രവർത്തകൻ സനം വാങ്ചുക് ഡൽഹി സഫ്ദർജംഗ് ആശുപത്രിയിൽ ചികിത്സയിൽ തുടരുകയാണ്. വിദഗ്ധ ഡോക്ടർമാരുടെ സംഘം അദ്ദേഹത്തിന്റെ ആരോഗ്യനില സൂക്ഷ്മമായി നിരീക്ഷിച്ചുവരികയാണെന്ന് ആശുപത്രി അധികൃതർ അറിയിച്ചു (Sonam Wangchuk Eefuse IV Fluids). തുടർച്ചയായ നിരാഹാരത്തെത്തുടർന്ന് അദ്ദേഹത്തിന്റെ രക്തത്തിലെ പഞ്ചസാരയുടെ അളവ് കുറവാണെന്നും പൊട്ടാസ്യത്തിന്റെ അളവ് കുറഞ്ഞതായും മെഡിക്കൽ ബുള്ളറ്റിനിൽ വ്യക്തമാക്കുന്നു. ഡോക്ടർമാരുടെ നിർദ്ദേശം വകവെയ്ക്കാതെ അദ്ദേഹം ഇൻട്രാവീനസ് ഫ്ലൂയിഡുകളും ഗ്ലൂക്കോസും സ്വീകരിക്കാൻ വിസമ്മതിക്കുകയാണെന്നും, എന്നാൽ ഓറൽ റീഹൈഡ്രേഷൻ തെറാപ്പിയും പൊട്ടാസ്ക് സപ്ലിമെന്റേഷനും നൽകിവരുന്നുണ്ടെന്നും ആശുപത്രി അധികൃതർ അറിയിച്ചു.
അതിനിടെ, പാർലമെന്റ് മാർച്ചിനിടയിലുണ്ടായ സംഘർഷത്തിലും അതിക്രമങ്ങളിലും ഡൽഹി പോലീസ് കേസെടുത്തു. കോണാട്ട് പ്ലേസ്, പാർലമെന്റ് സ്ട്രീറ്റ് എന്നിവിടങ്ങളിൽ പോലീസ് വാഹനങ്ങൾ അടിച്ചു തകർക്കുകയും കല്ലേറ് നടത്തുകയും ചെയ്ത സംഭവങ്ങളിലാണ് എഫ്ഐആർ രജിസ്റ്റർ ചെയ്തിരിക്കുന്നത്. പൊതുമുതൽ നശിപ്പിക്കൽ, ഔദ്യോഗിക കൃത്യനിർവഹണം തടസ്സപ്പെടുത്തൽ, ലഹളയുണ്ടാക്കൽ തുടങ്ങിയ വിവിധ ഭാരതീയ ന്യായ സംഹിത (ബിഎൻഎസ്) വകുപ്പുകൾ പ്രകാരമാണ് കേസെടുത്തിരിക്കുന്നത്. പ്രതിഷേധ സ്ഥലത്ത് പോലീസും റാപ്പിഡ് ആക്ഷൻ ഫോഴ്സും സുരക്ഷ ശക്തമാക്കിയിട്ടുണ്ട്.
Summary: Activist Sonam Wangchuk remains under strict medical supervision at Safdarjung Hospital, continuing to refuse intravenous fluids and glucose despite low blood sugar and potassium levels. Meanwhile, Delhi Police have registered FIRs over incidents of rioting, stone-pelting, and vandalism reported during the recent protest marches near Parliament.
