തിരുവനന്തപുരം: സാങ്കേതിക പ്രശ്നങ്ങളെ തുടർന്ന് കഴിഞ്ഞ ദിവസം മുടങ്ങിയ സി പി എം മുഖപത്രത്തിൻ്റെ വാരാന്തപ്പതിപ്പ് ഒടുവിൽ പുറത്തിറങ്ങി. മുൻ മുഖ്യമന്ത്രി വി.എസ്. അച്യുതാനന്ദന്റെ ഓർമ്മക്കുറിപ്പുകളുമായാണ് പുതിയ പതിപ്പ് എത്തിയിരിക്കുന്നത്.(CPM Mouthpiece Releases Weekly Edition With VS Achuthanandan Memoirs)
‘മുഴങ്ങുന്നിപ്പോഴും ആ കടലരിമ്പം’ എന്ന ശ്രദ്ധേയമായ തലക്കെട്ടിലാണ് വി.എസിനെക്കുറിച്ചുള്ള ഓർമ്മക്കുറിപ്പുകൾ തയാറാക്കിയിരിക്കുന്നത്. കെ.വി സുധാകരൻ ഉൾപ്പെടെയുള്ള പ്രമുഖർ എഴുതിയ അനുസ്മരണ ലേഖനങ്ങൾ വാരാന്തപ്പതിപ്പിന്റെ ഒന്നാം പേജിലും അവസാന പേജിലുമായി ഇടംപിടിച്ചിട്ടുണ്ട്.
അതേസമയം, കഴിഞ്ഞ ദിവസങ്ങളിൽ വലിയ വിവാദങ്ങൾക്ക് വഴിവെച്ച ലേഖനം ഇന്ന് പുറത്തിറങ്ങിയ പതിപ്പിൽ നിന്ന് പൂർണ്ണമായും ഒഴിവാക്കിയിട്ടുണ്ട്. ഈ ലേഖനത്തെച്ചൊല്ലി എഡിറ്റോറിയൽ വിഭാഗത്തിലുണ്ടായ ആഭ്യന്തര തർക്കങ്ങളാണ് വാരാന്തപ്പതിപ്പ് വൈകാൻ കാരണമായതെന്ന വാർത്തകൾ പുറത്തുവന്നിരുന്നു. എന്നാൽ സാങ്കേതിക കാരണങ്ങളാലാണ് പതിപ്പ് വൈകിയതെന്നാണ് ഔദ്യോഗിക വിശദീകരണം.
Story Summary
CPM Mouthpiece has released its delayed weekly edition featuring a tribute to veteran leader VS Achuthanandan titled ‘Muzhangunnippozhum Aa Kadalarimbam’. The publication, which was halted the previous day due to technical and editorial disputes, hit the stands after dropping a controversial article.
