ആലപ്പുഴ: ചേർത്തലയിൽ ദേശീയപാതയിൽ നിർമ്മാണ പ്രവർത്തനങ്ങളിൽ ഏർപ്പെട്ടിരുന്ന ജെസിബിയിലേക്ക് കെഎസ്ആർടിസി ബസ് ഇടിച്ചുകയറി 19 പേർക്ക് പരിക്കേറ്റു. ശനിയാഴ്ച രാത്രി 11:15 ഓടെയായിരുന്നു നാടിനെ നടുക്കിയ അപകടം. നിയന്ത്രണം നഷ്ടമായ കെഎസ്ആർടിസി സൂപ്പർ ഡീലക്സ് ബസ് റോഡരികിൽ നിർത്തിയിട്ടിരുന്ന ജെസിബിയിലേക്ക് ഇടിച്ച് കയറുകയായിരുന്നു.(KSRTC Bus Crashes Into JCB Engaged In NH Construction In Cherthala Leaving Nineteen Injured)
അപകടത്തിൽ പരിക്കേറ്റവരെല്ലാം ബസിലെ യാത്രക്കാരാണ്. ഇടിയുടെ ആഘാതത്തിൽ കെഎസ്ആർടിസി ബസിന്റെ മുൻഭാഗം പൂർണ്ണമായും തകർന്നു. അപകടം നടന്നയുടൻ തന്നെ നാട്ടുകാരും പോലീസും ചേർന്ന് പരിക്കേറ്റവരെ സമീപത്തെ വിവിധ ആശുപത്രികളിൽ പ്രവേശിപ്പിച്ചു. നിലവിൽ ആരുടെയും പരിക്ക് ഗുരുതരമല്ലെന്നാണ് വിവരം.
Story Summary
Nineteen passengers were injured after a KSRTC Super Deluxe bus rammed into a JCB engaged in National Highway construction work in Cherthala late last night. The front portion of the bus was completely destroyed in the collision, and all the injured passengers were rushed to nearby hospitals with no critical injuries reported so far.
