ന്യൂഡൽഹി: നീറ്റ് ക്രമക്കേടിനെതിരെ ഡൽഹി ജന്തർ മന്തറിൽ നിരാഹാര സമരം നടത്തുന്ന സാമൂഹിക പ്രവർത്തകൻ സോനം വാങ്ചുകിനെക്കുറിച്ച് നടൻ ആമിർ ഖാൻ. തന്റെ സൂപ്പർഹിറ്റ് ചിത്രമായ ‘ത്രീ ഇഡിയറ്റ്സ്’ സോനം വാങ്ചുകിന്റെ ജീവിതത്തിൽ നിന്ന് പ്രചോദനം ഉൾക്കൊണ്ട് നിർമ്മിച്ചതാണെന്നത് വെറുമൊരു തെറ്റായ ധാരണ മാത്രമാണെന്ന് ആമിർ പറഞ്ഞു.(Aamir Khan Clarifies Three Idiots Misconception Urges Sonam Wangchuk To End Hunger Strike)
സിനിമ ചെയ്യുന്ന സമയത്ത് തനിക്കോ സംവിധായകൻ രാജ്കുമാർ ഹിറാനിക്കോ തിരക്കഥാകൃത്ത് അഭിജാത് ജോഷിക്കോ വാങ്ചുകിനെക്കുറിച്ച് അറിയില്ലായിരുന്നു. ചിത്രത്തിലെ പ്രധാന കഥാപാത്രമായ ഫുൻസുക് വാങ്ഡു അദ്ദേഹത്തെ അടിസ്ഥാനമാക്കിയുള്ളതല്ല. വാങ്ചുക് തന്നെ മുൻപ് ഇക്കാര്യം വ്യക്തമാക്കിയിട്ടുള്ളതാണെന്നും ആമിർ കൂട്ടിച്ചേർത്തു. ഓമി വൈദ്യയ്ക്ക് തെറ്റുപറ്റിയതാകാമെന്നും ആമിർ പ്രതികരിച്ചു. അതേസമയം, സിനിമയുമായി ബന്ധമില്ലെങ്കിലും വാങ്ചുക് ചെയ്യുന്ന നല്ല പ്രവർത്തനങ്ങളെ താൻ ബഹുമാനിക്കുന്നുണ്ടെന്ന് ആമിർ വ്യക്തമാക്കി.
അദ്ദേഹത്തിന്റെ ആരോഗ്യനിലയിൽ എല്ലാവർക്കും ആശങ്കയുണ്ടെന്നും എത്രയും വേഗം നിരാഹാരം അവസാനിപ്പിച്ച് ആരോഗ്യം സംരക്ഷിക്കാൻ വാങ്ചുക് തയ്യാറാകണമെന്നും ആമിർ ഖാൻ അഭ്യർത്ഥിച്ചു. എന്നാൽ, സമരത്തിന് നേതൃത്വം നൽകുന്ന കോക്രോച്ച് ജനതാ പാർട്ടി (CJP) വക്താവ് സൗരവ് ദാസ് ആമിറിന്റെ ഈ പ്രതികരണത്തിൽ നിരാശ പ്രകടിപ്പിച്ചു. നിലവിൽ നിരവധി ബോളിവുഡ് താരങ്ങൾ വാങ്ചുകിന്റെ സമരത്തിന് പിന്തുണ പ്രഖ്യാപിച്ചിട്ടുണ്ട്.
Story Summary
Actor Aamir Khan clarified at a BFI event that his iconic character Phunsukh Wangdu from ‘3 Idiots’ was not inspired by activist Sonam Wangchuk, calling it a long-standing misconception. While refuting the connection, Aamir expressed deep concern for Wangchuk’s deteriorating health and urged him to end his ongoing hunger strike at Jantar Mantar.
