ഓൺലൈൻ ഷോപ്പിംഗിൽ ക്യാഷ്ബാക്ക് ഓഫറുകൾ നേടാൻ പലരും നടത്തുന്ന തന്ത്രങ്ങൾ പലപ്പോഴും പാളിപ്പോകാറുണ്ട്. അത്തരത്തിലൊരു രസകരമായ അനുഭവമാണ് ചേതൻ വശിഷ്ഠ് എന്ന ഉപഭോക്താവിനുണ്ടായത്. 898 രൂപ വിലയുള്ള ഒരു ബെൽ ഓൺലൈനായി വാങ്ങാൻ ശ്രമിക്കുകയായിരുന്നു ചേതൻ (Online Shopping Fail). 899 രൂപയ്ക്ക് മുകളിൽ ഓർഡർ ചെയ്താൽ 100 രൂപ ക്യാഷ്ബാക്ക് ലഭിക്കുമെന്നതായിരുന്നു ഓഫർ. ഈ ലക്ഷ്യം പൂർത്തിയാക്കാൻ അഞ്ച് രൂപയുടെ ഒരു ചോക്ലേറ്റ് കൂടി അദ്ദേഹം ഓർഡറിൽ ഉൾപ്പെടുത്തി. (Online Shopping Fail)
ഓർഡർ സ്ഥിരീകരിച്ചതിന് പിന്നാലെ, പ്രധാന സാധനമായ ബെൽ സ്റ്റോക്കില്ലാത്തതിനാൽ കമ്പനി അത് റദ്ദാക്കി. എന്നാൽ, സിസ്റ്റം ഓർഡർ പൂർണ്ണമായും റദ്ദാക്കുന്നതിന് പകരം ബാക്കിയുള്ള ചോക്ലേറ്റ് മാത്രം ഡെലിവറി ചെയ്യാൻ തീരുമാനിച്ചു. പത്ത് മിനിറ്റിനുള്ളിൽ രണ്ട് ഡെലിവറി ഏജന്റുമാർ അഞ്ച് രൂപയുടെ ചോക്ലേറ്റുമായി ചേതന്റെ വീട്ടിലെത്തി. തങ്ങൾ ഇത്ര ദൂരം വന്നത് ഈ അഞ്ച് രൂപയുടെ ചോക്ലേറ്റ് എത്തിക്കാൻ മാത്രമാണല്ലോ എന്നോർത്ത് അവർ ചിരിച്ചുകൊണ്ടാണ് വാതിൽക്കൽ എത്തിയത്. സംഭവം സോഷ്യൽ മീഡിയയിൽ വൈറലായതോടെ സമാനമായ അനുഭവങ്ങൾ പലരും പങ്കുവെച്ചു. എന്തായാലും ക്യാഷ്ബാക്ക് ലഭിക്കുമോ എന്ന കാര്യത്തിൽ ഇപ്പോഴും ഉറപ്പില്ലെന്ന് ചേതൻ പറയുന്നു.
Summary: A customer’s attempt to secure a Rs 100 cashback by adding a Rs 5 chocolate to an Rs 898 order resulted in a hilarious delivery mishap after the main item was canceled. The e-commerce system processed the remaining order, leading to two delivery agents arriving with just the chocolate, an incident that has since gone viral on social media for its comedic value.
