വടക്കൻ കരോലിനയിലെ കൊറോള കടൽത്തീരത്ത് വൻതോതിൽ ആപ്പിളുകൾ അടിഞ്ഞുകൂടിയത് നാട്ടുകാരെയും അധികൃതരെയും ഒരുപോലെ അമ്പരപ്പിച്ചു. കടലിലെ ഏതെങ്കിലും ചരക്ക് കപ്പലിൽ നിന്ന് വീണതാകാം ഇവയെന്നാണ് കൊറോള വൈൽഡ് ഹോഴ്സ് ഫണ്ട് (Corolla Wild Horse Fund) കരുതുന്നത് (North Carolina Beach Mystery Apples). കടൽത്തീരത്ത് ആപ്പിളുകൾ നിറഞ്ഞിരിക്കുന്നതായി വിവരം ലഭിച്ചതിനെ തുടർന്ന് പരിശോധന നടത്തിയപ്പോഴാണ് ഇവ കടലിൽ നിന്ന് തിരമാലകൾക്കൊപ്പം വന്നതാണെന്ന് മനസ്സിലായത്. നേരത്തെ ഇതേ തീരത്ത് ഡൊറിറ്റോസ് ചിപ്സ് പാക്കറ്റുകൾ അടിഞ്ഞുകൂടിയ സംഭവവും ഉണ്ടായിട്ടുണ്ട്.
കടൽത്തീരത്ത് കാണുന്ന ആപ്പിളുകൾ വന്യമൃഗങ്ങൾക്ക് ഭക്ഷണമായി നൽകരുതെന്ന് അധികൃതർ മുന്നറിയിപ്പ് നൽകി. കുതിരകളുടെ സ്വാഭാവിക ഭക്ഷണക്രമത്തിന്റെ ഭാഗമല്ലാത്തതിനാൽ ഇവ കഴിക്കുന്നത് ശ്വാസതടസ്സത്തിനും, വയറുവേദനയ്ക്കും കാരണമാകുമെന്നും, ഇത് ചിലപ്പോൾ മരണത്തിലേക്ക് വരെ നയിക്കാമെന്നും സംഘടന വ്യക്തമാക്കി. 2020-ൽ ആപ്പിൾ കഴിച്ചതിനെത്തുടർന്ന് ഒരു കുതിരക്കുട്ടി ചത്തുപോയ ദാരുണ സംഭവവും അവർ ചൂണ്ടിക്കാട്ടി. തീരപ്രദേശത്തെ ജീവനക്കാരും സന്നദ്ധപ്രവർത്തകരും ചേർന്ന് തീരത്ത് അടിഞ്ഞ ആപ്പിളുകളും ഓറഞ്ചുകളും നീക്കം ചെയ്തുവരികയാണ്.
Summary: A large quantity of apples recently washed up on a beach in Corolla, North Carolina, likely after falling from a cargo ship at sea. The Corolla Wild Horse Fund has cleared the fruit from the shore and urged the public not to feed them to local wild horses, as non-natural food items can cause fatal health issues such as choking and colic.
