ജർമ്മനിയിലെ തീവ്ര വലതുപക്ഷ പാർട്ടിയായ ‘ആൾട്ടർനേറ്റീവ് ഫോർ ജർമ്മനി’ (AfD)-യുടെ വാർഷിക സമ്മേളനത്തിനെതിരെ എർഫർട്ടിൽ വൻ പ്രതിഷേധം. പാർട്ടിയുടെ സമ്മേളനം തടസ്സപ്പെടുത്തുന്നതിനായി പതിനായിരക്കണക്കിന് ആളുകളാണ് തെരുവിലിറങ്ങിയത് (Germany Far-right Protest). ട്രേഡ് യൂണിയനുകൾ, വിവിധ സന്നദ്ധ സംഘടനകൾ, ഇടതുപക്ഷ പാർട്ടികൾ എന്നിവയുടെ നേതൃത്വത്തിൽ നടന്ന പ്രതിഷേധം ജർമ്മനിയുടെ ജനാധിപത്യ മൂല്യങ്ങൾ ഉയർത്തിപ്പിടിക്കുന്നതിനായിരുന്നു.
കനത്ത പോലീസ് കാവലിനിടയിലും സമ്മേളന നഗരത്തിലേക്കുള്ള റോഡുകളും ഹൈവേകളും പ്രതിഷേധക്കാർ ഉപരോധിച്ചു. ഏകദേശം 15,000 പേർ പ്രതിഷേധത്തിൽ പങ്കെടുത്തതായാണ് പോലീസിന്റെ കണക്ക്. “ജർമ്മനിയിൽ ഫാസിസം വളർന്നുവരുന്നത് ഞങ്ങൾ വെച്ചുപൊറുപ്പിക്കില്ല” എന്ന് പ്രതിഷേധക്കാർ വ്യക്തമാക്കി. അലിസ് വീഡൽ, ടൈനോ ക്രൂപല്ല എന്നിവരുടെ നേതൃത്വത്തിൽ നടക്കുന്ന രണ്ട് ദിവസത്തെ പാർട്ടി സമ്മേളനം വരാനിരിക്കുന്ന പ്രാദേശിക തിരഞ്ഞെടുപ്പുകളിൽ പാർട്ടിയുടെ സ്വാധീനം വർദ്ധിപ്പിക്കാനാണ് ലക്ഷ്യമിടുന്നത്.
സാക്സണി-അൻഹാൾട്ട്, മെക്ലെൻബർഗ്-വെസ്റ്റ് പോമെറേനിയ എന്നീ സംസ്ഥാനങ്ങളിൽ നടക്കാനിരിക്കുന്ന തിരഞ്ഞെടുപ്പുകൾ ജർമ്മൻ രാഷ്ട്രീയത്തിൽ നിർണ്ണായകമാണ്. പുതിയ സർവേകൾ പ്രകാരം 29% വോട്ട് വിഹിതവുമായി AfD രാജ്യത്തെ പ്രധാന രാഷ്ട്രീയ ശക്തികളിലൊന്നായി മാറിയിരിക്കുകയാണ്. സാക്സണി-അൻഹാൾട്ടിൽ 41% പിന്തുണയുമായി പാർട്ടി വ്യക്തമായ മുന്നേറ്റത്തിലാണ്. അതേസമയം, AfD-യുമായി സഹകരിക്കില്ലെന്ന ‘ഫയർവാൾ’ തന്ത്രത്തിലാണ് മുഖ്യധാരാ പാർട്ടികൾ. ജർമ്മനിയുടെ ഭരണഘടനാപരമായ മൂല്യങ്ങൾക്ക് വിരുദ്ധമാണ് പാർട്ടിയുടെ നയങ്ങളെന്നാണ് വിമർശകർ ചൂണ്ടിക്കാട്ടുന്നത്. എന്നാൽ തങ്ങൾ ജനാധിപത്യ വിരുദ്ധരല്ലെന്ന നിലപാടിലാണ് AfD നേതൃത്വം.
Summary: Thousands of protesters gathered in Erfurt, Germany, to demonstrate against the far-right Alternative for Germany (AfD) party during its annual two-day convention. Demonstrators blocked roads leading to the venue, voicing opposition to the party’s nationalist and anti-immigration rhetoric ahead of key regional elections. While the AfD currently leads national polls with up to 29% support and eyes outright victories in eastern states, mainstream political parties remain committed to isolating them via a “firewall” strategy, citing concerns that the party’s platform undermines Germany’s democratic values.
