റിപ്പോർട്ട്: അൻവർ ഷരിഫ്
മലപ്പുറം: തേഞ്ഞിപ്പാലത്തെ ലോഡ്ജിൽ അതിക്രമിച്ചു കയറി ജീവനക്കാരനെ ഭീഷണിപ്പെടുത്തി പണവും മൊബൈൽ ഫോണും കവർന്ന കേസിൽ അഞ്ചുപേർ പിടിയിൽ. കാക്കഞ്ചേരിയിലെ ലോഡ്ജിലാണ് സംഭവം നടന്നത്. ലോഡ്ജ് റിസപ്ഷനിൽ നിന്ന് 1500 രൂപയും മൊബൈൽ ഫോണും കവർന്ന സംഘത്തെ തേഞ്ഞിപ്പാലം പോലീസാണ് പിടികൂടിയത്. (Thenjipalam Lodge Robbery)
കഴിഞ്ഞ ജൂൺ 30-ന് രാത്രി 11 മണിയോടെയായിരുന്നു സംഭവം. ലോഡ്ജിൽ അതിക്രമിച്ചു കയറിയ സംഘം റിസപ്ഷനിസ്റ്റിനെ ഭീഷണിപ്പെടുത്തി പണവും മൊബൈൽ ഫോണുമായി കടന്നുകളയുകയായിരുന്നു. തുടർന്ന് ലോഡ്ജ് അധികൃതർ നൽകിയ പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചു. പരപ്പനങ്ങാടി, തിരൂർ സ്വദേശികളാണ് പിടിയിലായ പ്രതികൾ. ഇവർ കുറ്റകൃത്യത്തിനായി ഉപയോഗിച്ച വാഹനവും പോലീസ് കസ്റ്റഡിയിലെടുത്തിട്ടുണ്ട്. കൂടുതൽ ചോദ്യം ചെയ്യലിനും നിയമനടപടികൾക്കുമായി പ്രതികളെ പോലീസ് സ്റ്റേഷനിലെത്തിച്ചു.
Summary: Five individuals have been arrested by the Thenjipalam police for allegedly robbing a lodge in Kakkanchery, Malappuram. The group forcibly entered the premises on June 30 at 11:00 PM, stealing 1,500 rupees and a mobile phone from the reception area. The suspects, hailing from Parappanangadi and Tirur, were apprehended along with the vehicle they used to commit the crime.
