ബലോദ ബസാർ: ഛത്തീസ്ഗഡിലെ ഖാർവേ ഗ്രാമത്തിൽ അഞ്ചു മാസത്തിനിടെ എട്ടുപേർ അസ്വാഭാവികമായി മരിച്ച സംഭവത്തിൽ നിർണ്ണായക വഴിത്തിരിവ്. സംഭവത്തിൽ പ്രതിയായ പ്രാദേശിക പലചരക്ക് കടയുടമ രാംസഹായ് ജയ്സ്വാളിനെ (46) പോലീസ് അറസ്റ്റ് ചെയ്തു. ഇയാൾ മദ്യത്തിൽ ‘സുഹാഗ’ എന്നറിയപ്പെടുന്ന മാരകമായ എലിവിഷം കലർത്തി നൽകി കൊലപാതകം നടത്തുകയായിരുന്നുവെന്നാണ് പോലീസ് കണ്ടെത്തൽ.(Chhattisgarh serial poisoning, Grocery shop owner arrested for killing eight villagers)
ഫെബ്രുവരി മുതൽ മെയ് വരെയുള്ള കാലയളവിലാണ് കൊലപാതകങ്ങൾ നടന്നത്. ബദ്രി പട്ടേൽ (58), ബുടാലു സാഹു (60), ഛത്തൂറാം സാഹു (59), ബുധറാം ജയ്സ്വാൾ (60), വിനോദ് സാഹു (38), ഗജാനൻ മാഞ്ചി (55), ചൈത്തൂറാം സാഹു (59), മഹേത്രൂ സാഹു (40) എന്നിവരാണ് കൊല്ലപ്പെട്ടത്. മദ്യപാനത്തിനിടെ സൗഹൃദം സ്ഥാപിച്ച് ഇവർക്ക് മദ്യം വാങ്ങി നൽകുകയും അതിൽ വിഷം കലർത്തുകയുമായിരുന്നു. ചെറിയ തർക്കങ്ങളും വ്യക്തിവൈരാഗ്യങ്ങളുമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
മരണങ്ങൾ സ്വാഭാവികമാണെന്ന് കരുതി പോസ്റ്റ്മോർട്ടം നടത്തിയിരുന്നില്ല. എന്നാൽ, മെയ് മാസത്തിൽ മഹേത്രൂ സാഹു മരിച്ചതോടെ ഗ്രാമവാസികൾക്ക് സംശയമുണ്ടാകുകയും തുടർന്ന് നടത്തിയ അന്വേഷണത്തിൽ രാംസഹായ് ജയ്സ്വാളിന്റെ പങ്ക് വ്യക്തമാകുകയുമായിരുന്നു. ഇയാൾക്കെതിരെ പോലീസ് കേസെടുത്ത് അന്വേഷണം ഊർജ്ജിതമാക്കി. പ്രതിയെ അറസ്റ്റ് ചെയ്തതോടെ ഗ്രാമവാസികൾക്കിടയിൽ ഞെട്ടൽ വിട്ടുമാറാത്ത അവസ്ഥയിലാണ്. സംഭവത്തിൽ കൂടുതൽ ശാസ്ത്രീയ പരിശോധനകൾ പുരോഗമിക്കുകയാണ്.
Story Summary
A 46-year-old grocery store owner, Ramsahay Jaiswal, was arrested in Chhattisgarh’s Baloda Bazar district for the serial poisoning of eight villagers between February and May. Jaiswal allegedly laced locally brewed alcohol with ‘Suhaga’ (rat poison) and served it to regular drinking companions with whom he held personal grudges or petty disputes. The deaths initially appeared to be natural causes until a local villager fell ill after consuming liquor offered by Jaiswal, leading to a police investigation and the exhumation of the victims’ bodies for forensic analysis.
