വാഷിംഗ്ടൺ: ഇറാനുമായുള്ള സമാധാന ചർച്ചകളിൽ യു.എസ് ഭരണകൂടം ‘ചരിത്രപരമായ’ പുരോഗതി അവകാശപ്പെടുമ്പോഴും, വൈസ് പ്രസിഡന്റ് ജെ.ഡി. വാൻസും സ്റ്റേറ്റ് സെക്രട്ടറി മാർക്കോ റൂബിയോയും തമ്മിലുള്ള അഭിപ്രായവ്യത്യാസങ്ങൾ ഭരണകൂടത്തിന് തലവേദനയാകുന്നു. പശ്ചിമേഷ്യൻ സംഘർഷത്തിൽ സ്വീകരിക്കേണ്ട നയങ്ങളെച്ചൊല്ലിയാണ് ഇരുവരും തമ്മിൽ കൊമ്പുകോർക്കുന്നത്.(Discord Within Trump Administration Over Iran Deal And West Asia Policy)
ലെബനനിലെ ഹിസ്ബുള്ളയ്ക്കെതിരെ ഇസ്രായേൽ നടത്തുന്ന സൈനിക നടപടികളെ വൈസ് പ്രസിഡന്റ് ജെ.ഡി. വാൻസ് പരസ്യമായി വിമർശിച്ചു. ബെയ്റൂട്ടിലെ സിവിലിയൻ അടിസ്ഥാന സൗകര്യങ്ങൾക്കുനേരെയുള്ള ഇസ്രായേലിന്റെ ബോംബാക്രമണം മേഖലയിലെ സമാധാന ശ്രമങ്ങളെ അട്ടിമറിക്കുന്നുവെന്നാണ് വാൻസിന്റെ നിലപാട്. എന്നാൽ, ഇസ്രായേലിന്റെ സൈനിക നടപടികൾക്ക് പൂർണ്ണ പിന്തുണ നൽകുന്ന സമീപനമാണ് മാർക്കോ റൂബിയോ സ്വീകരിച്ചത്. ഹിസ്ബുള്ളയുടെ ആക്രമണങ്ങളെ മുൻനിർത്തി ഇസ്രായേലിന്റെ പ്രതിരോധത്തെ അദ്ദേഹം ന്യായീകരിച്ചു.
ഇറാനുമായി കൂടുതൽ സഹകരണപരമായ ഒരു ബന്ധം സ്ഥാപിക്കാനാണ് വാൻസ് ആഗ്രഹിക്കുന്നത്. പെന്റഗണുമായി ആശയവിനിമയം നടത്താൻ ഇറാനിയൻ ഇന്റലിജൻസ് ഉദ്യോഗസ്ഥനെ ക്ഷണിച്ചുവെന്ന റിപ്പോർട്ടുകൾ ഇതിന് തെളിവാണ്. എന്നാൽ, ഇറാനുമായുള്ള കരാറുകൾ വളരെ കർശനമായിരിക്കണമെന്നും, വാഷിംഗ്ടണിന്റെ താൽപ്പര്യങ്ങൾ അടിയറവെച്ചുകൊണ്ടുള്ള ഒരു കരാറിനും തയ്യാറല്ലെന്നും റൂബിയോ വ്യക്തമാക്കുന്നു. ഇരുവരുടെയും ഈ ഭിന്നത റിപ്പബ്ലിക്കൻ പാർട്ടിയിലും വലിയ ചർച്ചകൾക്ക് വഴിവെച്ചിട്ടുണ്ട്.
Story Summary
Tensions have surfaced within the Trump administration as Vice President JD Vance and Secretary of State Marco Rubio hold opposing views on the Iran deal and Israel’s military campaign in Lebanon. While the White House maintains that the entire administration remains united under President Trump’s leadership, the contrasting diplomatic approaches of the two potential 2028 presidential candidates have highlighted significant internal policy debates.
