കൊച്ചി: ഹോം എന്റർടൈൻമെന്റ് രംഗത്ത് വിപ്ലവകരമായ മാറ്റങ്ങൾ ലക്ഷ്യമിട്ട് സോണി ഇന്ത്യ തങ്ങളുടെ പുത്തൻ ഓഡിയോ ഉൽപ്പന്നങ്ങൾ വിപണിയിൽ അവതരിപ്പിച്ചു (Sony Bravia Theater Quad). തീയേറ്ററുകളിലേത് പോലുള്ള ശബ്ദാനുഭവം വീടുകളിൽ ലഭ്യമാക്കുന്നതിനായി ഫ്ലാഗ്ഷിപ്പ് മോഡലായ ബ്രാവിയ തീയേറ്റർ ട്രിയോ, ബ്രാവിയ തീയേറ്റർ ബാർ 7, ബ്രാവിയ തീയേറ്റർ ബാർ 5 എന്നിവയ്ക്കൊപ്പം സബ്വൂഫറുകളായ സബ് 9, സബ് 8, റിയർ സ്പീക്കറുകളായ റിയർ 9, റിയർ 8 എന്നിവയാണ് സോണി പുതുതായി പുറത്തിറക്കിയത്.
പ്രീമിയം ഹോം എന്റർടൈൻമെന്റ് മേഖലയിൽ ഇന്ത്യൻ ഉപഭോക്താക്കളുടെ മാറുന്ന താല്പര്യങ്ങൾ മുൻനിർത്തിയാണ് മികച്ച ബാസും സറൗണ്ട് സൗണ്ടുമുള്ള ഈ ശ്രേണി ഒരുക്കിയിരിക്കുന്നത്. സോണിയുടെ അത്യാധുനിക 360 സ്പേഷ്യൽ സൗണ്ട് മാപ്പിംഗ്, ഡോൾബി അറ്റ്മോസ്, ഡി.ടി.എസ്. സാങ്കേതികവിദ്യകളും ഈ ഉൽപ്പന്നങ്ങളുടെ സവിശേഷതയാണ്.
പുതിയ മോഡലുകളുടെ പ്രധാന സവിശേഷതകൾ:
ബ്രാവിയ തീയേറ്റർ ട്രിയോ: വലിയ സ്ക്രീൻ ടെലിവിഷനുകൾക്കായി പ്രത്യേകം രൂപകൽപ്പന ചെയ്ത പ്രീമിയം വയർലെസ് ഹോം തീയേറ്റർ സിസ്റ്റമാണിത്. മറ്റ് സബ്വൂഫറുകളുമായി കണക്ട് ചെയ്യുമ്പോൾ ഇതിന് 24 ഫാൻറം സ്പീക്കറുകൾ വരെ സൃഷ്ടിക്കാൻ സാധിക്കും.
ബ്രാവിയ തീയേറ്റർ ബാർ 7: ഒൻപത് സ്പീക്കർ യൂണിറ്റുകളോടെ എത്തുന്ന ഈ മോഡൽ മികച്ച സൗണ്ട് ഫീൽഡ് ഒപ്റ്റിമൈസേഷൻ നൽകുന്നു.
ബ്രാവിയ തീയേറ്റർ ബാർ 5: വയർലെസ് സബ്വൂഫറോട് കൂടിയ ഈ സിസ്റ്റത്തിൽ, സിനിമകളിലെയും മറ്റും സംഭാഷണങ്ങൾ കൂടുതൽ വ്യക്തമായി കേൾക്കാൻ സഹായിക്കുന്ന വോയ്സ് സൂം 3 ഫീച്ചറുണ്ട്.
സബ്വൂഫറുകൾ (സബ് 9, സബ് 8): തീയേറ്റർ ക്വാളിറ്റി നൽകുന്ന സൂപ്പർ ഡീപ്പ് ബാസ്സ് സബ്വൂഫറുകളായ സബ് 9-ൽ മികച്ച 600W ആംപ്ലിഫയറും, സബ് 8-ൽ 300W ആംപ്ലിഫയറുമുണ്ട്.
സൗണ്ട് ബാറുകളുടെ സഹായമില്ലാതെ തന്നെ ബ്രാവിയ ടെലിവിഷനുകളിലേക്ക് സബ്വൂഫറുകളും റിയർ സ്പീക്കറുകളും നേരിട്ട് കണക്ട് ചെയ്യാൻ സഹായിക്കുന്ന ‘ബ്രാവിയ ഡയറക്ട് കണക്ട്’ എന്ന സവിശേഷ ഫീച്ചറും ഇതിലുണ്ട്. പുതിയ ബ്രാവിയ തീയേറ്റർ ഉൽപ്പന്നങ്ങൾ രാജ്യത്തുടനീളമുള്ള സോണി സെന്ററുകൾ, സോണി എക്സ്ക്ലൂസീവ് സ്റ്റോറുകൾ, ആമസോൺ, മറ്റ് പ്രമുഖ ഇ-കോമേഴ്സ് പ്ലാറ്റ്ഫോമുകൾ എന്നിവ വഴി ലഭ്യമാകും.
ബ്രാവിയ തീയേറ്റർ ട്രിയോ ഫ്ലാഗ്ഷിപ്പ് മോഡലിന്റെ എം.ആർ.പി. വില 2,39,990 രൂപയാണെങ്കിലും പ്രത്യേക ഓഫർ വിലയായ 1,69,990 രൂപയ്ക്ക് ഉപഭോക്താക്കൾക്ക് ഇത് സ്വന്തമാക്കാവുന്നതാണ്. ജൂലൈ 1 മുതൽ ഈ പ്രീമിയം ഓഡിയോ സിസ്റ്റം വിപണിയിൽ ലഭ്യമായിത്തുടങ്ങും.
Story Summary:
Sony India has launched its premium Bravia Theater audio lineup, including the flagship Bravia Theater Quad, Bar 7, and Bar 5, featuring 360 Spatial Sound Mapping and Dolby Atmos. The flagship model is priced at an introductory offer of ₹1,69,990 and will be available from July 1, 2026.
