ഐപിഎൽ ക്രിക്കറ്റിലെ നിർണ്ണായകമായ ഒരു ട്രേഡ് ഡീലിലൂടെ റിഷഭ് പന്ത് വീണ്ടും ഡൽഹി ക്യാപിറ്റൽസിലേക്ക്. ലക്നൗ സൂപ്പർ ജയന്റ്സിൽ നിന്ന് ഡൽഹിയിലേക്ക് തിരിച്ചെത്തുന്ന പന്ത്, ശമ്പളത്തിൽ വലിയ കുറവ് വരുത്തിയാണ് കരാറിൽ ഏർപ്പെട്ടിരിക്കുന്നത് (Rishabh Pant Delhi Capitals Return). രണ്ട് വർഷം മുൻപ് 27 കോടി രൂപയ്ക്ക് ലക്നൗ സ്വന്തമാക്കിയ പന്ത്, പുതിയ കരാർ പ്രകാരം ഡൽഹിയിൽ സീസണിൽ 15 കോടി രൂപയ്ക്കാണ് കളിക്കുക. പന്തിന് പകരമായി ഇന്ത്യൻ സ്പിന്നർ കുൽദീപ് യാദവ് ലക്നൗ സൂപ്പർ ജയന്റ്സിലേക്ക് ചേക്കേറി.
ലക്നൗവിനായി ക്യാപ്റ്റനായിരുന്ന കാലയളവിൽ അത്ര മികച്ച പ്രകടനം കാഴ്ചവെക്കാൻ പന്തിന് സാധിച്ചിരുന്നില്ല. 2025, 2026 സീസണുകളിലായി യഥാക്രമം 269, 312 റൺസ് മാത്രമാണ് അദ്ദേഹത്തിന് നേടാനായത്. ഡൽഹി ക്യാപിറ്റൽസിന്റെ ചരിത്രത്തിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന റെക്കോർഡ് പന്തിന്റെ പേരിലാണ്. അതേസമയം, ഡൽഹിക്കായി കഴിഞ്ഞ അഞ്ച് സീസണുകളിൽ മികച്ച പ്രകടനം പുറത്തെടുത്ത കുൽദീപ് യാദവ്, 13.50 കോടി രൂപയുടെ കരാറിലാണ് ലക്നൗവിൽ ചേരുന്നത്. ടീമുകൾ തമ്മിലുള്ള ഈ പരസ്പര കൈമാറ്റം ഐപിഎല്ലിലെ വമ്പൻ ട്രേഡ് ഡീലുകളിലൊന്നായി മാറുകയാണ്.
Summary: Rishabh Pant has returned to the Delhi Capitals in a major IPL trade deal, accepting a significant pay cut to rejoin his former franchise. Pant, who previously struggled with Lucknow Super Giants at a record price of Rs 27 crore, will now earn Rs 15 crore per season at Delhi. In exchange, star wrist-spinner Kuldeep Yadav moves to the Lucknow Super Giants on a contract worth Rs 13.50 crore.
