ഭിൽവാര: ജൂൺ 21-ന് നടക്കാനിരിക്കുന്ന നീറ്റ്-യുജി പുനഃപരീക്ഷയുടെ വ്യാജ ചോദ്യപേപ്പറുകൾ വിറ്റ് പണം തട്ടാൻ ശ്രമിച്ച യുവാവ് പിടിയിൽ. ജയ്പൂരിൽ മത്സരപ്പരീക്ഷകൾക്ക് തയ്യാറെടുക്കുന്ന ആകാശ് ചൗധരി എന്ന വിദ്യാർത്ഥിയാണ് ഭിൽവാര പോലീസിന്റെ പിടിയിലായത്.(Teen Arrested in Rajasthan for Selling Fake NEET Question Papers)
യുഎസ് ആസ്ഥാനമായുള്ള വിപിഎൻ (VPN), പ്രോക്സി നെറ്റ്വർക്കുകൾ ഉപയോഗിച്ചാണ് ഇയാൾ തന്റെ ഐഡന്റിറ്റി മറച്ചുവെച്ച് ‘പേപ്പർ മാഫിയ’ എന്ന പേരിൽ ടെലിഗ്രാം ചാനൽ നടത്തിയത്. നീറ്റ് പരിശീലന പുസ്തകങ്ങളിൽ നിന്ന് പേജുകൾ സ്കാൻ ചെയ്ത് ഒറിജിനൽ ചോദ്യപേപ്പറാണെന്ന് തെറ്റിദ്ധരിപ്പിച്ച് ഇയാൾ വിദ്യാർത്ഥികൾക്ക് വിൽക്കുകയായിരുന്നു. ഒരു പേപ്പറിന് 4,000 രൂപ വീതമാണ് ഇയാൾ ഈടാക്കിയിരുന്നത്.
കേന്ദ്ര സർക്കാരിന്റെ ‘എസ്-മേക്’ പോർട്ടൽ വഴി ലഭിച്ച രഹസ്യവിവരത്തിന്റെ അടിസ്ഥാനത്തിൽ ഡൽഹിയിൽ നിന്നുള്ള നിർദ്ദേശപ്രകാരമാണ് പോലീസ് ഭിൽവാരയിലെ ഇയാളുടെ വീട്ടിൽ റെയ്ഡ് നടത്തിയത്. ഇയാളുടെ പക്കൽ നിന്ന് മൊബൈൽ ഫോൺ, നീറ്റ് പഠന സാമഗ്രികൾ, മറ്റ് രേഖകൾ എന്നിവ പോലീസ് പിടിച്ചെടുത്തു. ഇയാളുടെ ബാങ്ക് ഇടപാടുകളും ഡിജിറ്റൽ തെളിവുകളും പോലീസ് വിശദമായി പരിശോധിച്ചുവരികയാണ്. നീറ്റ് ചോദ്യപേപ്പർ ചോർച്ചയുമായി ബന്ധപ്പെട്ട വിവാദങ്ങൾക്ക് പിന്നാലെ ടെലിഗ്രാം പ്ലാറ്റ്ഫോമിന് കേന്ദ്ര സർക്കാർ കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്.
Story Summary
A 19-year-old student, Akash Choudhary, has been arrested in Bhilwara, Rajasthan, for selling fake NEET-UG question papers through a Telegram channel named ‘Paper Mafia’. The accused, who used a US-based VPN to hide his identity, was charging Rs 4,000 per paper, prompting the authorities to heighten scrutiny on Telegram ahead of the June 21 re-examination.
