കഴക്കൂട്ടം: വിവാഹവാഗ്ദാനം നൽകി യുവതിയെ ലോഡ്ജ് മുറിയിലെത്തിച്ച് പലതവണ ക്രൂരമായി ലൈംഗിക പീഡനത്തിനിരയാക്കിയതായി പരാതി (Kazhakkoottam sexual assault case Sarath Vilappilsalah). മേനംകുളം പള്ളിത്തുറ രാജീവ് നഗറിൽ താമസക്കാരിയായ യുവതിയാണ് പീഡനത്തിനിരയായത്. യുവതി നൽകിയ പരാതിയുടെ അടിസ്ഥാനത്തിൽ വിളപ്പിൽശാല സ്വദേശിയായ ശരത് എന്നയാൾക്കെതിരെ കഴക്കൂട്ടം പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
കഴക്കൂട്ടം പോലീസ് സ്റ്റേഷന് തൊട്ടുപിന്നിലുള്ള ഓയോ (OYO) ഹോട്ടൽ മുറിയിൽ എത്തിച്ചാണ് പ്രതി യുവതിയെ ക്രൂരമായി പീഡിപ്പിച്ചത്. പീഡനത്തിനിടെ യുവതിയുടെ ദൃശ്യങ്ങൾ പ്രതി മൊബൈൽ ഫോണിൽ രഹസ്യമായി പകർത്തി. പിന്നീട് ഈ വീഡിയോ ദൃശ്യങ്ങൾ കാണിച്ച് പുറത്തുപറയുമെന്ന് ഭീഷണിപ്പെടുത്തി ലോഡ്ജ് മുറിയിൽ വെച്ചും മറ്റ് സ്ഥലങ്ങളിൽ എത്തിച്ചും പ്രതി പലതവണ പീഡനം തുടരുകയായിരുന്നുവെന്ന് പരാതിയിൽ പറയുന്നു.
തുടർച്ചയായ ഭീഷണിയെയും പീഡനത്തെയും തുടർന്ന് യുവതി ആദ്യം വലിയതുറ പോലീസ് സ്റ്റേഷനിലാണ് പരാതി നൽകിയിരുന്നത്. എന്നാൽ കുറ്റകൃത്യം നടന്ന പ്രധാന സ്ഥലം കഴക്കൂട്ടം പോലീസ് സ്റ്റേഷൻ പരിധിയിലായതിനാൽ നിയമനടപടികൾക്കായി കേസ് പിന്നീട് ഔദ്യോഗികമായി കഴക്കൂട്ടം സ്റ്റേഷനിലേക്ക് കൈമാറുകയായിരുന്നു. പ്രതിയായ ശരത് നിലവിൽ ഒളിവിലാണെന്നാണ് സൂചന. ഇയാൾക്കായി പോലീസ് തിരച്ചിൽ ഊർജ്ജിതമാക്കിയിട്ടുണ്ട്.
Story Summary: The Kazhakkoottam Police have registered a case against Sarath, a native of Vilappilsalah, for repeatedly sexually assaulting a woman from Menamkulam after promising to marry her. According to the complaint, the accused lured the woman to an OYO room located right behind the Kazhakkoottam police station, recorded the acts on his mobile phone, and used the footage to blackmail and assault her multiple times. The case, initially filed at the Valiathura police station, was transferred to Kazhakkoottam based on jurisdiction, and an investigation is underway.
