കോഴിക്കോട്: വടകരയിലെ കാഫിർ സ്ക്രീൻഷോട്ട് കേസുമായി ബന്ധപ്പെട്ട ചോദ്യം ചെയ്യലിന് തൊട്ടുമുമ്പ്, ഡിവൈഎഫ്ഐ വടകര ബ്ലോക്ക് പ്രസിഡന്റ് റിബേഷ് രാമകൃഷ്ണൻ സ്ഥാനമൊഴിഞ്ഞു. ശനിയാഴ്ചയാണ് അദ്ദേഹം ഭാരവാഹിത്വം ഒഴിഞ്ഞത്. ബ്ലോക്ക് കമ്മിറ്റി അംഗമായി തുടരുമെങ്കിലും, കേസിലെ ഗൗരവം കണക്കിലെടുത്ത് സംഘടനയിൽ നിന്നുള്ള സമ്മർദ്ദമാണോ രാജിക്ക് പിന്നിലെന്ന് സംശയമുണ്ട്.(Kafir Screenshot Case, DYFI Leader Quits Post Ahead Of Kafir Screenshot Case Interrogation)
യുഡിഎഫ് സർക്കാർ അധികാരത്തിൽ വന്നതിന് പിന്നാലെ ഈ കേസ് അന്വേഷിക്കാൻ പ്രത്യേക അന്വേഷണ സംഘത്തെ (SIT) നിയോഗിച്ചിരുന്നു. നിലവിൽ ഈ സംഘത്തിന്റെ നേതൃത്വത്തിൽ അന്വേഷണം ഊർജ്ജിതമായി നടക്കുകയാണ്.
കേസിൽ പ്രതിപ്പട്ടികയിലുള്ള ഡിവൈഎഫ്ഐ പ്രവർത്തകരായ റിബേഷ് രാമകൃഷ്ണൻ, അതുൽ, മനീഷ് എന്നിവരെ പ്രത്യേക അന്വേഷണ സംഘം ചോദ്യം ചെയ്യാനായി വിളിപ്പിച്ചിരുന്നു. വടകര ക്രൈംബ്രാഞ്ച് ഓഫീസിലാണ് ചോദ്യം ചെയ്യൽ നടക്കുന്നത്. അതുലും മനീഷും റെഡ് വളന്റിയേഴ്സ് ബറ്റാലിയൻ വാട്സ്ആപ്പ് ഗ്രൂപ്പ് അംഗങ്ങളാണ്. 2024-ലെ ലോക്സഭാ തിരഞ്ഞെടുപ്പ് കാലത്ത് വലിയ രാഷ്ട്രീയ വിവാദത്തിന് തിരികൊളുത്തിയ കേസായിരുന്നു ഇത്.
Story Summary
DYFI leader Ribesh Ramakrishnan has stepped down from his post as Vadakara Block President ahead of his questioning by the SIT in the ‘Kafir Screenshot’ case. The special investigation team, constituted by the current UDF government, is currently interrogating Ribesh and two other suspects, Manish and Atul, regarding the origins of the controversial social media post.
