പാലക്കാട്: ജോലി വാഗ്ദാനം നൽകി ദളിത് യുവതിയെ പീഡിപ്പിച്ച കേസിൽ പ്രതിയായ കൗൺസിലർ പ്രശോഭ് സി. വത്സന്റെ ജാമ്യാപേക്ഷ മണ്ണാർക്കാട് എസ്സി/എസ്ടി പ്രത്യേക കോടതി തള്ളി. പ്രതി പുറത്തിറങ്ങിയാൽ സാക്ഷികളെ സ്വാധീനിക്കാനും തെളിവുകൾ നശിപ്പിക്കാനും സാധ്യതയുണ്ടെന്ന് വിലയിരുത്തിയാണ് കോടതി നടപടി.(Congress councillor denied bail in sexual assault case against Dalit woman in Palakkad)
ഇത്തരമൊരു ഗുരുതരമായ കുറ്റകൃത്യത്തിൽ ഉൾപ്പെട്ട പ്രതിക്ക് ജാമ്യം അനുവദിക്കുന്നത് സമൂഹത്തിന് തെറ്റായ സന്ദേശം നൽകുമെന്നും കോടതി വ്യക്തമാക്കി. മാർച്ച് 27-നാണ് കേസിനാസ്പദമായ സംഭവം നടന്നത്. ജോലി വാഗ്ദാനം ചെയ്ത് ലൈംഗികമായി പീഡിപ്പിച്ചുവെന്നാണ് കേസ്. പ്രതി യുവതിയെ ഭീഷണിപ്പെടുത്തിയതായും പരാതിയിൽ പറയുന്നു.
ബലാത്സംഗം, എസ്സി-എസ്ടി പീഡന നിരോധന നിയമം എന്നിവയുൾപ്പെടെയുള്ള ഗൗരവകരമായ വകുപ്പുകളാണ് പ്രശോഭിനെതിരെ ചുമത്തിയിരിക്കുന്നത്. സംഭവം വലിയ രാഷ്ട്രീയ വിവാദങ്ങൾക്ക് വഴിവെച്ചിരുന്നു.
Story Summary
The Mannarkkad SC/ST Court has denied bail to former Congress councillor Prashobh C. Valsan, accused of sexually assaulting a Dalit woman under the pretext of providing a job. The court observed that granting bail could lead to evidence tampering and intimidation of witnesses, especially given the seriousness of the charges against him.
