തിരുവനന്തപുരം: നടിയെ ആക്രമിച്ച കേസിലെ നിർണ്ണായക തെളിവായ മെമ്മറി കാർഡിലെ ദൃശ്യങ്ങൾ ചോർന്ന സംഭവത്തിൽ പുനരന്വേഷണം ആവശ്യപ്പെട്ട് അതിജീവിത സമർപ്പിച്ച ഹർജി പരിഗണിക്കുന്നതിൽ നിന്ന് ജസ്റ്റിസ് ജോബിൻ സെബാസ്റ്റ്യൻ പിന്മാറി. വിഷയവുമായി ബന്ധപ്പെട്ട് നേരത്തെ പരിഗണനകൾ ഉണ്ടായിരുന്ന സാഹചര്യത്തിലാണ് ജഡ്ജിയുടെ പിന്മാറ്റം. ഇനി ഈ ഹർജി മറ്റൊരു ബെഞ്ച് പരിഗണിക്കും.(Actress assault case, Judge Recuses From Hearing Survivor Plea On Memory Card Leak)
മെമ്മറി കാർഡിന്റെ ഹാഷ് വാല്യു മാറിയതിൽ വിശദമായ അന്വേഷണം വേണമെന്ന അതിജീവിതയുടെ ഹർജി വിശദമായി കേൾക്കാമെന്ന് ഹൈക്കോടതി നേരത്തെ വ്യക്തമാക്കിയിരുന്നു. ഹർജിയുമായി ബന്ധപ്പെട്ട് കോടതി ഉന്നയിച്ച പ്രധാന ചോദ്യങ്ങൾ ഈ വിഷയത്തിൽ നേരത്തെ അന്വേഷണം ആവശ്യപ്പെട്ടിരുന്നോ, വീഴ്ച വരുത്തിയവർക്കെതിരെ എന്തെങ്കിലും നടപടികൾ സ്വീകരിച്ചിട്ടുണ്ടോ, അന്വേഷണ റിപ്പോർട്ടിന്റെ അടിസ്ഥാനത്തിൽ ആർക്കെങ്കിലും എതിരെ ക്രിമിനൽ നടപടികൾ തുടങ്ങിയിട്ടുണ്ടോ എന്നിങ്ങനെയാണ്.
ഈ ചോദ്യങ്ങൾക്ക് മറുപടി നൽകാൻ സമയം വേണമെന്ന് പ്രോസിക്യൂഷൻ കോടതിയിൽ ആവശ്യപ്പെട്ടിരുന്നു. മെമ്മറി കാർഡിന്റെ ഹാഷ് വാല്യു മാറിയത് കേസിലെ അതീവ ഗൗരവകരമായ കാര്യമാണെന്നും, ഇതിൽ വിശദമായ അന്വേഷണം അനിവാര്യമാണെന്നുമാണ് അതിജീവിതയുടെ നിലപാട്.
Story Summary
Justice Jobin Sebastian has recused himself from hearing the plea filed by the survivor in the actress assault case, seeking a fresh investigation into the unauthorized access and leak of visuals from the memory card. The case, which involves the alteration of the memory card’s hash value, will now be transferred to another bench for further consideration.
