ജറുസലേം: ഏപ്രിൽ മാസത്തിൽ നിലവിൽ വന്ന വെടിനിർത്തൽ കരാർ ലംഘിക്കപ്പെട്ടതോടെ, ഇസ്രായേലിന് നേരെ ശക്തമായ മിസൈൽ ആക്രമണവുമായി ഇറാൻ രംഗത്ത്. ബെയ്റൂട്ടിലെ തെക്കൻ മേഖലകളിൽ ഇസ്രായേൽ നടത്തിയ മുന്നറിയിപ്പില്ലാത്ത വ്യോമാക്രമണത്തിനുള്ള തിരിച്ചടിയാണിതെന്ന് ഇറാൻ ഔദ്യോഗികമായി അറിയിച്ചു. ഇതോടെ മേഖലയിൽ വീണ്ടും യുദ്ധസാഹചര്യം ഉടലെടുത്തിരിക്കുകയാണ്.(Iran Israel Conflict, Iran Launches Missile Attack Against Israel Amid Regional Tension)
സംഘർഷാവസ്ഥയെത്തുടർന്ന് അയൽരാജ്യങ്ങൾ വ്യോമഗതാഗതം നിയന്ത്രിച്ചു. ഇറാഖ് തങ്ങളുടെ വ്യോമപാത 72 മണിക്കൂറത്തേക്ക് പൂർണ്ണമായും അടച്ചു. സിറിയ ദമാസ്കസ് വിമാനത്താവളത്തിലെ പ്രവർത്തനങ്ങൾ നിർത്തിവെക്കുകയും തെക്കൻ വ്യോമപാത 12 മണിക്കൂർ നേരത്തേക്ക് അടക്കുകയും ചെയ്തു. ഇറാന്റെ പടിഞ്ഞാറൻ മേഖലകളിലും വ്യോമപാതകൾക്ക് നിയന്ത്രണം ഏർപ്പെടുത്തിയിട്ടുണ്ട്.
ഇറാന്റെ മിസൈൽ ആക്രമണങ്ങളിൽ ഭൂരിഭാഗവും ഇസ്രായേലിന്റെ പ്രതിരോധ സംവിധാനങ്ങൾ തകർത്തതായാണ് റിപ്പോർട്ടുകൾ. ഈ സാഹചര്യത്തിൽ സ്ഥിതി വഷളാകാതിരിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപ് നേരിട്ട് ഇടപെട്ടു. ഇസ്രായേൽ തിരിച്ചടിക്ക് മുതിരരുതെന്ന് പ്രധാനമന്ത്രി ബെന്യാമിൻ നെതന്യാഹുവിനോട് ട്രംപ് ആവശ്യപ്പെട്ടു. ആക്രമണങ്ങൾ മേഖലയിലെ നിലവിലെ സമാധാന ചർച്ചകളെ അട്ടിമറിക്കുമെന്ന് ട്രംപ് ആശങ്ക പ്രകടിപ്പിച്ചു.
Story Summary
Tensions have escalated sharply in the Middle East as Iran launched a significant missile strike against Israel in retaliation for recent Israeli airstrikes in Beirut. The incident has forced neighboring countries like Iraq and Syria to temporarily close their airspace, while US President Donald Trump has urged Israel to exercise restraint to prevent further regional instability.
