ന്യൂഡൽഹി: ഇന്ത്യൻ വ്യോമസേനയുടെ അടുത്ത വൈസ് ചീഫായി പ്രമുഖ യുദ്ധവിമാന പൈലറ്റും ടെസ്റ്റ് പൈലറ്റുമായ എയർ മാർഷൽ അശുതോഷ് ദീക്ഷിത് നിയമിതനായി (Air Marshal Ashutosh Dixit Indian Air Force Vice Chief). ജൂലൈ 1-ന് അദ്ദേഹം പുതിയ ചുമതലയേൽക്കും. നിലവിൽ ഹെഡ്ക്വാർട്ടേഴ്സ് ഇന്റഗ്രേറ്റഡ് ഡിഫൻസ് സ്റ്റാഫിൽ ചീഫ് ഓഫ് ഇന്റഗ്രേറ്റഡ് ഡിഫൻസ് സ്റ്റാഫ് ആയി സേവനമനുഷ്ഠിച്ചുവരികയാണ് അദ്ദേഹം. ഇന്ത്യൻ സായുധ സേനകളെ തിയേറ്ററൈസേഷനിലേക്ക് നയിക്കുന്നതിലും സേനകൾക്കിടയിൽ ഏകോപനം വർദ്ധിപ്പിക്കുന്നതിലും അദ്ദേഹം നിർണ്ണായക പങ്കുവഹിച്ചിട്ടുണ്ട്. വ്യോമസേനാ ആസ്ഥാനത്തെ വിവിധ ഔദ്യോഗിക കാലയളവുകളിൽ തദ്ദേശീയ യുദ്ധവിമാന പദ്ധതികൾ പ്രോത്സാഹിപ്പിക്കുന്നതിനും സേനയുടെ ആധുനികവൽക്കരണത്തിനും അദ്ദേഹം നേതൃത്വം നൽകി.
1986 ഡിസംബർ 6-നാണ് അശുതോഷ് ദീക്ഷിത് ഇന്ത്യൻ വ്യോമസേനയുടെ ഫൈറ്റർ സ്ട്രീമിലേക്ക് കമ്മീഷൻ ചെയ്യപ്പെടുന്നത്. ഖഡക്വാസ്ലയിലെ നാഷണൽ ഡിഫൻസ് അക്കാദമി, ബംഗ്ലാദേശിലെ ഡിഫൻസ് സർവീസസ് സ്റ്റാഫ് കോളേജ്, ന്യൂഡൽഹിയിലെ നാഷണൽ ഡിഫൻസ് കോളേജ് എന്നിവടങ്ങളിലെ പൂർവ്വ വിദ്യാർത്ഥിയാണ്. ക്വാളിഫൈഡ് ഫ്ലൈയിംഗ് ഇൻസ്ട്രക്ടറും എക്സ്പിരിമെന്റൽ ടെസ്റ്റ് പൈലറ്റായ അദ്ദേഹത്തിന് മിറാഷ്-2000, മിഗ്-21, ജാഗ്വാർ ഉൾപ്പെടെ 20-ലധികം തരം വിമാനങ്ങളിലായി 3,300 മണിക്കൂറിലധികം പറക്കൽ പരിചയമുണ്ട്. ബംഗളൂരുവിലെ എയർക്രാഫ്റ്റ് ആൻഡ് സിസ്റ്റംസ് ടെസ്റ്റിംഗ് എസ്റ്റാബ്ലിഷ്മെന്റിൽ ഫ്ലൈറ്റ് ടെസ്റ്റ് സ്ക്വാഡ്രന്റെ കമാൻഡിംഗ് ഓഫീസറായിരുന്ന അദ്ദേഹം ജാഗ്വാർ, മിഗ്-27 എന്നിവയുടെ ഏവിയോണിക്സ് നവീകരണം ഉൾപ്പെടെയുള്ള തദ്ദേശീയ വികസന പരിപാടികളിൽ പങ്കാളിയായിരുന്നു.
Summary: Air Marshal Ashutosh Dixit, an experienced fighter and experimental test pilot, has been appointed as the next Vice Chief of the Air Staff of the Indian Air Force, taking charge on July 1. Currently serving as the Chief of Integrated Defence Staff (CISC), Dixit has been instrumental in enhancing jointness toward theaterisation and promoting indigenous fighter projects and modernization within the force. Commissioned in 1986, he is an alumnus of the National Defence Academy and has over 3,300 hours of flying experience on aircraft like the Mirage-2000, MiG-21, and Jaguar.
