മുംബൈ: ബോളിവുഡ് താരം സെലീന ജെറ്റ്ലി തന്റെ ഭർത്താവ് പീറ്റർ ഹാഗ്, അദ്ദേഹത്തിന്റെ കുടുംബം എന്നിവർക്കെതിരെ ഗുരുതരമായ ഗാർഹിക പീഡന ആരോപണങ്ങളുമായി രംഗത്ത് (Celina Jaitly Peter Haag Divorce Case). തന്റെ അനുവാദമില്ലാതെ കുട്ടികളെ ഓസ്ട്രിയൻ, ഇന്ത്യൻ കോടതികളുടെ പരിധിക്ക് പുറത്തേക്ക് മാറ്റാൻ ശ്രമിച്ചതിനാലാണ് തനിക്ക് പരസ്യപ്രതികരണം നടത്തേണ്ടി വന്നതെന്ന് സെലീന വ്യക്തമാക്കി. ഒരു ഓസ്ട്രിയൻ ഗ്രാമത്തിൽ മാതാപിതാക്കൾ നഷ്ടപ്പെട്ട ഒരു സ്ത്രീ എന്ന നിലയിൽ താൻ വർഷങ്ങളായി കടുത്ത ഭീഷണികളും മാനസിക പീഡനങ്ങളുമാണ് അനുഭവിച്ചതെന്നും, തന്റെ വിവാഹത്തിന് മുൻപുള്ള സ്വത്തുക്കൾ പോലും ഭർതൃകുടുംബം ബലമായി കൈക്കലാക്കാൻ ശ്രമിച്ചതായും അവർ ആരോപിച്ചു. തന്നെ അപകീർത്തിപ്പെടുത്താനും നിശ്ശബ്ദയാക്കാനുമുള്ള ശ്രമങ്ങൾ നടക്കുന്നുണ്ടെന്നും എന്നാൽ തെളിവുകളുമായി ഇന്ത്യയിലെയും ഓസ്ട്രിയയിലെയും നിയമവ്യവസ്ഥയിൽ വിശ്വസിച്ച് മുന്നോട്ട് പോകുമെന്നും നടി വ്യക്തമാക്കി.
കഴിഞ്ഞ വർഷം പീറ്റർ ഹാഗ് ഓസ്ട്രിയൻ കോടതിയിൽ വിവാഹമോചനത്തിന് അപേക്ഷ നൽകിയിരുന്നു. ഇതിനിടെ സെലീന നൽകിയ പരാതിയുടെ അടിസ്ഥാനത്തിൽ മുംബൈ പോലീസ് പീറ്റർ ഹാഗിനെതിരെ ഭാരതീയ ന്യായ സംഹിതയിലെ വിവിധ വകുപ്പുകൾ പ്രകാരം കടുത്ത ശാരീരിക പീഡനം, ഭീഷണിപ്പെടുത്തൽ, പീഡനശ്രമം എന്നിവയ്ക്ക് എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. 2010-ലായിരുന്നു ബോളിവുഡിൽ നിന്നും വിട്ടുനിന്ന സെലീനയും പീറ്റർ ഹാഗും തമ്മിലുള്ള വിവാഹം നടന്നത്. ഇവർക്ക് 2012-ൽ ഇരട്ടക്കുട്ടികളും, 2017-ൽ മറ്റൊരു ഇരട്ടക്കുട്ടികളും ജനിച്ചുവെങ്കിലും രണ്ടാമത് ജനിച്ച കുട്ടികളിൽ ഒരാൾ പ്രസവിച്ച ഉടനെ മരണപ്പെട്ടിരുന്നു. നിലവിൽ മക്കൾക്കായുള്ള സംയുക്ത കസ്റ്റഡിക്ക് വേണ്ടിയുള്ള നിയമപോരാട്ടത്തിലാണ് താരം.
Summary: Bollywood actress Celina Jaitly has leveled serious allegations of domestic abuse, asset extortion, and intimidation against her husband Peter Haag and his family amidst an ongoing legal battle. Celina stated that her public appeals arose from fears that her children would be illegally moved out of the jurisdiction of Indian and Austrian courts without her consent. Following her complaint, the Mumbai Police recently registered an FIR against Haag under multiple sections of the Bharatiya Nyaya Sanhita for physical violence and harassment, even as divorce and joint custody proceedings continue in both countries
